बलात्कार आरोपी ‘सिद्धबाबा’ भारततर्फ फरार

देवनारायण साह

मोरङ — अनुयायी एक महिलालाई बलात्कार गरेको मुद्दा खेपिरहेका सुनसरीको बराहक्षेत्र चतरास्थित रामानन्दाचार्य सेवापीठका संरक्षक ‘सिद्धबाबा’ भनिने ४५ वर्षीय कृष्णबहादुर गिरी आश्रम छाडेर बिहीबार भारतर्फ फरार भएका छन् ।

ZenTravel

उच्च अदालत विराटनगरमा उनी विरुद्धको जबर्जस्ती करणी मुद्दामा बिहीबार सुनुवाई चलिरहेको बेला फारततर्फ फरार भएका हुन्। उच्च अदालतका मुख्य न्यायधीश तिलप्रसाद श्रेष्ठ र न्यायधीश हरिप्रसाद बगालेको इजलासमा उनको मुद्दाको सुनुवाई भइरहेको बेला सुरक्षा गार्डलाई जोगबनी नाकाबाट फर्काएर भागेको प्रहरी स्रोतले जनाएको छ।

गिरी आफ्ना केही अनुयायीसहित ग १ च ८१५७ नम्बरको जीपमा भारतर्फ भागेका हुन्। सुनसरी जिल्ला अदालतबाट धरौटीमा छुटेपछि सुरक्षा चुनौती रहेको भन्दै सुरक्षा माग गरेपछि उनको सुरक्षाका लागि प्रहरी हवल्दार मुकेश साहलाई खटाइएको थियो।

एकछिन जोगबनी पुगेर आउने भन्दै प्रहरी हवल्दार साहलाई नाकामा छाडेर गिरी भारततर्फ भागेका हुन्। प्रहरी नायब उपरीक्षक मानबहादुर राईले सिद्धबाबा भारत पुगेपछि प्रहरीको सम्पर्कमा नआएको स्वीकारे।

प्रकाशित : माघ ९, २०७६ १७:३३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

राष्ट्रियसभामा गण्डकीबाट श्रेष्ठ र न्यौपाने निर्वाचित

कान्तिपुर संवाददाता

पाेखरा — गण्डकी प्रदेशबाट राष्ट्रियसभाको दुई सिटका लागि भएको निर्वाचनमा नेकपाका उम्मेदवारहरु विजयी भएका छन् । नेकपाका प्रवक्ता समेत रहेका नारायणकाजी श्रेष्ठ र भगवती न्यौपाने राष्ट्रियसभा सदस्यमा निर्वाचित भएका हुन् ।

निर्वाचन लगत्तै भएको मतगणनामा श्रेष्ठले ३४६२ र न्यौपानेले ३३६६ मतभार ल्याएको निर्वाचन कार्यालयले जनाएको छ।

प्रकाशित : माघ ९, २०७६ १७:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×