बिजुली बस किन्न साझालाई दिएको ३ अर्ब सरकारले ब्याजसहित फिर्ता लिने

कान्तिपुर संवाददाता

काठमाडौँ — बिजुली बस किन्नका लागि सरकारले साझा यातायात सहकारीलाई दिइएको ३ अर्ब रुपैयाँ ब्याजसहित फिर्ता लिने निर्णय गरेको छ । तोकिएको समयमा साझाले बस खरिद गर्न नसकेको भन्दै सरकारले उक्त रकम फिर्ता लिने निर्णय गरेको सरकारका प्रवक्ता एवं सञ्चार तथा सूचना प्रविधि मन्त्री गोकुल बाँस्कोटाले बताए ।

ZenTravel

२०७६ असार २४ र २९ गते बसेको मन्त्रिपरिषद् बैठकले साझालाई ३ सय वटा नयाँ विद्युतीय बस खरिद गर्न ३ अर्ब रुपैयाँ शेयरमार्फत लगानी गर्ने निर्णय गरेको थियो।

यस्तै, सरकारले नयाँ बिजुली बस खरिद गर्नका लागि भौतिक पूर्वाधार तथा यातायात मन्त्रालयलाई ३ अर्ब उपलब्ध गराउने निर्णय गरेको छ।
सम्बन्धित समाचार :

प्रकाशित : माघ ९, २०७६ १५:४४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

अनमोलको ‘एन्टी-हिरो’मा जसिता अनुबन्ध तर फिल्म बन्छ कहिले ?

कान्तिपुर संवाददाता

काठमाडौँ — अनमोल केसीले हरेक फिल्ममा नयाँ हिरोइनसँग रोमान्स गर्दै आएका छन् । डेब्यु फिल्म ‘होस्टेल’मा प्रकृति श्रेष्ठदेखि पछिल्लो फिल्म ‘ए मेरो हजुर ३’ मा सुहाना थापासम्म । होमप्रोडक्सनको ‘एन्टी हिरो’मा भने दुई फिल्म खेलिसकेकी जसिता गुरुङ अनुबन्ध भएकी छन् । जसिता यसअघि ‘लिलीबिली’ र ‘लभ स्टेशन’ मा देखिएकी थिइन् ।


‘लिलीबिली’मा जसिताको उपस्थिति सुखद भए पनि ‘लभ स्टेशन’मा उनको अभिनय तारिफयोग्य थिएन। व्यापार पनि नाजुक रह्यो तर उनलाई फिल्म खेलाउन चाहने निर्माता/निर्देशकको कमी छैन। त्यस्तैमध्ये एक थिए, भुवन केसी। उनले पहिल्यै जसितालाई अनुबन्ध गर्न खोजेका थिए तर रेनेशा राईको ‘आई एम ट्वान्टी वान’मा उनी व्यस्त हुने खबरसँगै भुवन पछि हटे।

जसिताको विकल्पमा आँचल शर्मा वा स्वस्तिमा खड्का लिने तयारी गरियो। तर, पूर्वघोषित समयमा ‘आई एम ट्वान्टी वान’ नबन्ने भयो। यही मौकामा भुवनले ‘एन्टी हिरो’मा जसितालाई भित्र्याएका हुन्। लामो कसरतपछि जसिताको प्रवेश त भएको छ तर यो फिल्म पनि कहिले बन्छ, त्यसको टुंगो भने छैन। वैशाखबाट सुटिङ सुरु गर्ने निर्माणपक्षको दाबी पत्याउन मुस्किल पर्छ। किनभने, फागुनको मध्यबाट अनमोल ‘ए मेरो हजुर ४’को छायाँकनमा व्यस्त हुनेछन्। यसको सुटिङका लागि दुई महिना त लागिहाल्छ, लगत्तै ‘एन्टी–हिरो’का लागि अनमोल तयार होलान्?

फिल्म जहिले बने पनि तत्कालका लागि जसिताको अनुबन्धले भुवनलाई राहत मिल्नेछ। उनले ‘एन्टी हिरो’को ओभरसिज राइट बेचिसकेका थिए। काठमाडौं र मोफसल रिलिजका लागि वितरकबाट पैसा लिइसके। त्यतिबेला ‘ए मेरो हजुर ४’ को कुरै आएको थिएन। भुवनको वाचा थियो– तिहारपछि छाँयाकन सुरु गर्ने। तर, तिहार सकिएको अढाई महिना बितिसक्दा पनि कुनै सुरसार भएन। त्यसमाथि ‘ए मेरो हजुर ४’ आयो, त्यसैले भुवनमाथि दबाब बढेको थियो। तर जसिताको आगमनले वितरकलाई मन बुझाउने बहाना बन्न सक्छ।

यहीबीच अनुबन्ध भएर पनि ‘धुपौरे’बाट अनमोल अलगिए। अब माधव वाग्लेको फिल्ममा उनी खेल्ने सम्भावना पनि असाध्यै न्यून रहेको बताइन्छ।

प्रकाशित : माघ ९, २०७६ १५:११
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×