नेपालमा भ्रष्टाचार घट्यो : ट्रान्सपरेन्सी इन्टरनेसनल

ट्रान्सपरेन्सी इन्टरनेसनलले जर्मनीको बर्लिनबाट सार्वजनिक गरेको सन् २०१९को सूचकांक अनुसार नेपालमा भ्रष्टाचारको अवस्था केही सुधार भएको छ ।
 नेपाल ३४ अंकका साथ १ सय १३ औं स्थानमा
कृष्ण ज्ञवाली

काठमाडौँ — एक वर्षको अवधिमा मुलुकमा सुशासनको अवस्था तुलनात्मक रुपमा सुध्रिएको एक अन्तर्राष्ट्रिय अध्ययनले देखाएको छ । ट्रान्सपरेन्सी इन्टरनेसनलले सार्वजनिक गरेको सन् २०१९ को भ्रष्टाचार अवधारणा सूचकांक (करप्सन पर्सेप्सन इन्डेक्स–सीपीआई)मा नेपाल गत वर्षभन्दा ११ स्थान माथि उक्लिएको छ । गत वर्ष ३१ अंक पाएको नेपाल अहिले ३४ अंक पाएको छ ।

ZenTravel

नेपालले पाएको अंक गत वर्षभन्दा ३ अंक बढी हो । ट्रान्सपरेन्सी इन्टरनेसनलका अनुसार, तर सुशासन हुने मुलुकहरुको वरीयताक्रममा १२२औं स्थानबाट ११३ औं स्थानमा उक्लिएको छ । बिहीबार सार्वजनिक भएको प्रतिवेदनले मुलुकमा भ्रष्टाचारको नियन्त्रणको प्रयास सुधारोन्मुख भए पनि आशाअनुसारको प्रतिफल नदेखिएको ट्रान्सपरेन्सी इन्टरनेसनल नेपालको विश्लेषण छ ।
गत वर्ष ट्रान्सपरेन्सी इन्टरनेसनलले प्रतिवेदन सार्वजनिक गर्दा स्थानीय सरकार गठन भएर कामकारबाही सुरु मात्रै गरेका थिए ।

अघिल्लो वर्षको तुलनामा नेपालले राम्रो सुधार गरेको हो । यो एक वर्षको अवधिमा भ्रष्टाचार नियन्त्रणका लागि स्थापित निकायहरु ग्त वर्षको तुलनामा बलियो र मजबुत देखिन थालेका छन् । गत वर्षको तुलनामा नेपालले एउटा बाहेक सबैजसो क्षेत्रमा बढी अंक पाएको छ । आयात निर्यात, सार्वजनिक सेवा, कर भुक्तानी, ठेक्कापट्टा र न्याय प्राप्तिका लागि घुसखोरीको विषयमा स्थिति सुधार भएको छ ।

कसरी हुन्छ मापन ?
नागरिक र सेवाग्राहीले व्यक्त गर्ने अवधारणका आधारमा तय गरिने भ्रष्टाचार अवधारणा सूचकांक(करप्सन पर्सेप्सन इण्डेक्स–सीपीआई) प्रतिवेदन तयार गर्ने क्रममा ट्रान्सपरेन्सी इन्टरनेसनल नेपाल आफै प्रत्यक्ष संलग्न हुदैन । विभिन्न अन्तर्राष्ट्रिय गैरसरकारी संस्था र दातृ निकायहरुले गर्ने सर्वेक्षणका क्रममा संकलन गरिने सूचनालाई विश्लेषण गरेर समग्र सूचक निकालिन्छ ।

सन् २०१९ मा नेपालका लागि सीपीआई तयार गर्ने क्रममा ६ वटा संस्थाहरु संलग्न भएको टीआई नेपालका कार्यकारी निर्देशक आशिष थापाले बताए । उनका अनुसार, विश्व बैंक, वर्ल्ड इकोनोमिक फोरम, ग्लोबल इनसाइट, बर्टेल्सम्यान फाउण्डेसन, वर्ल्ड जस्टिस प्रोजेक्ट र भेराइटिज अफ डेमोक्रेसी प्रोजेक्ट(भीडीईएम) यसपटकको सर्वेक्षणमा सहभागी थिए ।

कुन देशमा कति भ्रष्टाचार? अंकसहित

प्रकाशित : माघ ९, २०७६ ११:३६
प्रतिक्रिया
पठाउनुहोस्
ADVERTISEMENT

अस्ट्रेलियामा डढेलो निभाउने विमान दुर्घटनामा परेको आशंका

एजेन्सी

सिड्नी — अस्ट्रेलियाको जंगलमा लागेको डढेलो निभाउन प्रयोग गरिएको हवाई जहाज दुर्घटनामा परेको आशंका गरिएको छ । एएफपीका अनुसार बिहीबार अस्ट्रेलियाको सिड्‍नीनजिकै रहेको पहाडी क्षेत्रमा जहाज दुर्घटनाग्रस्त भएको आशंका गरिएको हो ।

‘मोनारो क्षेत्रमा आगो निभाउँदै आएको एउटा एयर ट्यांकरसँग सम्बन्ध विच्छेद भएको छ,’ न्यु साउथ वेल्स ग्रामीण अग्निनियन्त्रण कार्यालयले विज्ञप्तिमा भनेको छ। स्थानीय अधिकारीहरुका अनुसार जहाज दुर्घटनामा परेको विज्ञप्तिमा जनाइएको छ। जहाजको अवस्था बुझ्नका लागि हेलिकप्टरहरु पठाइएको छ। घटनाको अनुसन्धान गरिरहेको पनि अधिकारीहरुले जनाएका छन्।
दुर्घटनामा परेको आशंका गरिएको विमान बोइङ ७३७ हो। ‘वाटर बम्बिङ प्लेन’ नामले चिनिने यस्तो जहाजमा सामान्यतयाः दुई जना पाइलट हुने गर्छन्। यसले १५ हजार लिटर पानी बोक्न सक्ने क्षमता राख्छ। साथै यसले आगो निभाउन प्रयोग गरिने विभिन्न पदार्थ तथा पानीको सहायताले जमिनमा रहेका अग्निनियन्त्रकलाई सहयोग पुर्‍याउँछ ।
सिड्‍नीबाट पाँच घण्टाको दूरीमा रहेको पहाडी क्षेत्रको झन्डै ९४ हजार हेक्टर क्षेत्रफलमा आगो फैलिएको छ।सेप्टेम्बरबाट विभिन्न अस्ट्रेलियामा फैलिएको भीषण आगलागीका कारण अहिलेसम्म २९ जनाको मृत्यु भइसकेको छ। झन्डै २ हजार घर ध्वस्त भइसकेको छ।

प्रकाशित : माघ ९, २०७६ १०:५५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×