आमाछोरी हत्या गर्नेलाई आजीवन कारावास- समाचार - कान्तिपुर समाचार
कान्तिपुर वेबसाईट
AdvertisementAdvertisement

आमाछोरी हत्या गर्नेलाई आजीवन कारावास

कान्तिपुर संवाददाता

उदयपुर — त्रियुगा–९ चौकीबारीमा साढे तीन वर्षअघि आमाछोरीको हत्याका आरोपितलाई जिल्ला अदालत उदयपुरले आजीवन कारावासको फैसला सुनाएको छ । अदालतले पीडितलाई एक लाख रुपैयाँ क्षतिपूर्ति उपलब्ध गराउने फैसलासमेत गरेको छ ।

हत्या आरोपमा पक्राउ परी पुर्पक्षका लागि थुनामा रहेका ४० वर्षीय रामहरि साहलाई आजीवन कारावासको सजाय सुनाइएको हो ।

उनको साथमा फेला परेको सुनको रिङ र मंगलसूत्र पीडितको भएको कसुरदारले स्वीकार गरेकाले पीडित परिवारलाई नै फिर्ता दिन आदेशसमेत दिएको अदालतका स्रेस्तेदार राजकुमार आचार्यले बताए ।


साहले ०७६ असोज २४ गते साँझ २८ वर्षीया गोमा भनिने शारदा चौधरी र उनकी ६ वर्षीया छोरी रचना चौधरीलाई धारिलो हतियार प्रयोग गरी हत्या गरेको भन्दै अदालतमा मुद्दा दायर भएको थियो । घरमा आमा र छोरी मात्रै बसेको थाहा पाएका साहले हत्या गर्ने योजना बनाएका थिए । उनी एक्लैले आमाछोरीको हत्या गरी फरार भएका थिए । उनलाई प्रहरीले असोज २५ मा मोतिगडाबाट पक्राउ गरेको थियो ।


साहले प्रहरीसँगको बयानमा विगत लामो समयदेखि शारदासँग प्रेम सम्बन्ध रहेको र विवाह अस्वीकार गरेपछि हत्या गरेको स्विकारेका छन् । मृतकसँगको सम्बन्धपछि जेठी पत्नीलाई सिरहा घरमा छोडेर विवाह गर्ने योजनाका साथ मोतिगडामा बस्दै आएका साहले प्रेम सम्बन्ध विवाहमा परिणत नभएपछि हत्या गरेको प्रहरीसमक्ष बयान दिएका थिए ।


आमाको हत्या गरेको छोरीले देखेपछि छोरीलाई पनि हत्या गरेको बयानमा उल्लेख छ । सिरहाको लहान नगरपालिका ८ स्थायी घर भई उदयपुरको त्रियुगा–३ मोतिगडामा साहले व्यापार गर्दै आएका थिए । जिल्ला न्यायाधीश दीपक खनालको एकल इजलासले मंगलबार साहविरुद्ध फैसला सुनाएको हो ।

प्रकाशित : माघ ८, २०७६ २०:४१
प्रतिक्रिया
पठाउनुहोस्

पार्टीको विवाद मिलाउन देउवा-पौडेलबीच छलफल

कान्तिपुर संवाददाता

काठमाडौँ — पार्टीभित्रको विवाद समाधानका लागि नेपाली कांग्रेसका सभापति शेरबहादुर देउवाले वरिष्ठ नेता रामचन्द्र देउवासँग छलफल गरेका छन् ।

सभापति देउवा र पौडेललगायत असन्तुष्ट पक्षका नेताहरूबीच पार्टीभित्रदेखिएको विवाद समाधान गर्ने विषयमा बुधबार छलफल भएको हो ।

सभापति देउवाको निवास बुढानिलकण्ठमा भएकोछलफलमा विवाद समाधानका लागि अहिलेसम्म भएका गृहकार्यको बारेमा छलफल भएको पौडेलले बता । शुक्रबार बिहानै पुनः बैठक बसेर विवाद टुंग्याउने प्रयास हुने उको भनाइ छ

पौडेलसँगै पार्टी नेताहरू प्रकाशमानसिंह र कृष्णप्रसाद सिटौला बुढानिलकण्ठ पुगेका थिए । छलफलमा उपसभापतिविमलेन्द्र निधी पनि सहभागी थिए । यसअघि पुस २७ गते बुढानीलकण्ठमै सभापतिदेउवा, पौडेल र सिटौलाबीच छलफल भएको थियो ।

पौडेल पक्षले महाधिवेशन कार्यतालिकासच्याउनुपर्ने, तत्काल विभागको संख्या बढाउन नहुने र भातृसंगठनहरूको विवाद चाँडो टुंगो लगाउनुपर्ने लगायतका माग राख्दै आएका छन् ।

प्रकाशित : माघ ८, २०७६ १९:५५
पूरा पढ्नुहोस्
प्रतिक्रिया
पठाउनुहोस्
×