पार्टीको विवाद मिलाउन देउवा-पौडेलबीच छलफल- समाचार - कान्तिपुर समाचार
कान्तिपुर वेबसाईट
AdvertisementAdvertisement

पार्टीको विवाद मिलाउन देउवा-पौडेलबीच छलफल

कान्तिपुर संवाददाता

काठमाडौँ — पार्टीभित्रको विवाद समाधानका लागि नेपाली कांग्रेसका सभापति शेरबहादुर देउवाले वरिष्ठ नेता रामचन्द्र देउवासँग छलफल गरेका छन् ।

सभापति देउवा र पौडेललगायत असन्तुष्ट पक्षका नेताहरूबीच पार्टीभित्रदेखिएको विवाद समाधान गर्ने विषयमा बुधबार छलफल भएको हो ।

सभापति देउवाको निवास बुढानिलकण्ठमा भएकोछलफलमा विवाद समाधानका लागि अहिलेसम्म भएका गृहकार्यको बारेमा छलफल भएको पौडेलले बता । शुक्रबार बिहानै पुनः बैठक बसेर विवाद टुंग्याउने प्रयास हुने उको भनाइ छ

पौडेलसँगै पार्टी नेताहरू प्रकाशमानसिंह र कृष्णप्रसाद सिटौला बुढानिलकण्ठ पुगेका थिए । छलफलमा उपसभापतिविमलेन्द्र निधी पनि सहभागी थिए । यसअघि पुस २७ गते बुढानीलकण्ठमै सभापतिदेउवा, पौडेल र सिटौलाबीच छलफल भएको थियो ।

पौडेल पक्षले महाधिवेशन कार्यतालिकासच्याउनुपर्ने, तत्काल विभागको संख्या बढाउन नहुने र भातृसंगठनहरूको विवाद चाँडो टुंगो लगाउनुपर्ने लगायतका माग राख्दै आएका छन् ।

प्रकाशित : माघ ८, २०७६ १९:५५
प्रतिक्रिया
पठाउनुहोस्

दामन घटना छानबिन गर्न समिति गठन

१५ दिनभित्र प्रतिवेदन बुझाउनुपर्ने 
कान्तिपुर संवाददाता

काठमाडौँ — मकवानपुरको दामनस्थित एभरेष्ट पानोरमा रिसोर्टमा निसासिएर मंगलबार मृत्यु भएका ८ भारतीय पर्यटकको घटनाबारे पर्यटन विभागले छानबिन गर्ने भएको छ ।

संस्कृति, पर्यटन तथा नागरिक उड्डयन मन्त्री योगेश भट्टराईका अनुसार पर्यटकको सुरक्षामा रिसोर्टका तर्फबाट कमीकजोरी भएको हो या होइन ? लगायतका विषयमा छानबिन हुनेछ । ‘दामनको घटना निकै गम्भीर छ,’ पर्यटनमन्त्री भट्टराइले कान्तिपुरसँगको कुराकानीमा भने, ‘एउटै कोठामा ८ जना किन सुताइए ? रिसोर्ट व्यवस्थापन वा अतिथि कसको कमीकमजोरी भएको हो ? कारबाही गर्नुपर्ने विषय भएमा कारबाही हुनेछ ।’

मन्त्रालयको निर्देशन अनुसार छानबिन समितिले यस घटनाको स्थलगत अध्ययन गरी १५ दिन्भित्र प्रतिवेदन बुझाउनुपर्ने छ ।

छानबिन समितिको नेतृत्व विभागको होटल शाखाका निर्देशक सुरेन्द्र थापालाई तोकिएको छ । यसमा स्वास्थ्य तथा जनसंख्या मन्त्रालय, होटल संघ नेपाल र पर्यटक प्रहरी प्रमुख (निरीक्षक) र होटल विभागकै शाखा अधिकृत तिलक रिजाल सदस्य छन् ।

यो पनि पढ्नुहोस्ः

प्रकाशित : माघ ८, २०७६ १९:४५
पूरा पढ्नुहोस्
प्रतिक्रिया
पठाउनुहोस्
×