दामनको पानोरमा रिसोर्टमा ८ भारतीय अचेत भेटिए, उपचारका लागि काठमाडौं ल्याइयाे (अपडेट)
हेटौंडा — मकवानपुरको थाहा नगरपालिका सिमभञ्ज्याङमा रहेको पानोरमा रिसोर्टमा अचेत अवस्थामा भेटिएका ८ भारतीय नागरिकलाई काठमाडाैं लगिएकाे छ । दुई कोठा लिएर बसेका भारतीय पर्यटकहरु मंगलबार बिहान बेहोस अवस्थामा फेला परेका थिए ।
जिल्ला प्रहरी कार्यालय मकवानपुरका एसपी सुशीलसिंह राठौरका अनुसार अचेत रहेका ४ महिला र ४ पुरुषको पहिचान खुलेको छैन । ती पर्यटकहरु दुई कोठा लिए पनि बेहोस अवस्थामा एकै कोठामा भेटिएको प्रहरीले जनाएको छ ।
चिसोबाट बच्न बालेको ग्यास हिटरबाट उनीहरु निसासिएर बेहोस भएको एसपी राठौरले जानकारी दिए । उनका अनुसार
अचेत अवस्थामा रहेका भारतीयहरुको उद्धार गर्न काठमाडौंबाट हेलिकप्टर बोलाइएको थियाे । उनीहरुलाई केहीबेर अगाडि काठमाडाै लगिएकाे छ ।
१५ जनाको टोलीमा आएकामध्ये एउटै कोठामा बसेका ८ जना बेहोस भेटिएका हुन् ।
प्रकाशित : माघ ७, २०७६ १०:१२प्रतिक्रिया
