सभामुख चयन प्रक्रिया सुरु, माघ १२ गते निर्वाचन हुने
काठमाडौँ — प्रतिनिधिसभाको सभामुख पदको निर्वाचन प्रक्रिया सुरु भएको छ । सोमबार दिउँसो १ बजे बसेको प्रतिनिधिसभाको पहिलो बैठकमा उपसभामुख शिवमाया तुम्बाहाङ्फेले राजनीनामा दिने घोषणा गरेपछि ज्येष्ठ सदस्यका रुपमा महन्थ ठाकुरको अध्यक्षतामा दोस्रो बैठक ४ बजे बसेको थियो ।
उक्त बैठकमा ठाकुरले शिवमायाले दिएको राजनीनामा पत्र पढेर सुनाएका थिए । त्यसपछि उनले महासचिव मनोहरप्रसाद भट्टराईलाई सभामुख निर्वाचन प्रक्रिया सुरु गर्न निर्देशन दिँदै अर्को बैठक माघ १२ गते दिउँसो ३ बजेका लागि बोलाएका छन् । त्यही दिन सभामुखको निर्वाचन हुनेछ ।
नेकपाले सभामुखका लागि अग्नी सापकोटालाई अगाडि सार्ने निर्णय गरेको छ ।
प्रमुख प्रतिपक्ष नेपाली कांग्रेसका प्रमुख सचेतक बालकृष्ण खाणले छलफलपछि सभामुख र उपसभामुख निर्वाचन प्रक्रियामा भाग लिने/नलिनेबारे निर्णय गर्ने बताएका छन् ।
प्रकाशित : माघ ६, २०७६ १६:२२