प्रदेश ५ को प्रमुख प्रतिपक्षी दलका नेता पोख्रेलको निधन

क्यान्सर रोगबाट पीडित पोख्रेललाई तिलोत्तमास्थित क्रिमसन अस्पतालमा राखिएको थियो । उनलाई निको नहुने भएपछि केहीदिन अघिमात्र घर लगिएको थियो । प्रमुख प्रतिपक्षी दलका सांसद बलदेव प्रदेश ५ का ज्येष्ठ सदस्य थिए । उनी कांग्रेसको समानुपातिक कोटाबाट प्रदेशसभामा सदस्य भएका थिए ।

विसं १९९४ मा प्युठानको तुसारामा जन्मिएका बलदेव २०२० सालबाट रुपन्देही कांग्रेसमा सक्रिय थिए । पोख्रेलका श्रीमती, ४ छोरा र २ छोरी छन् ।