रोल्पामा जीप दुर्घटना, एकको ज्यान गयो

प्रहरीका अनुसार दिउँसो साढे १ बजे चिप्लो बाटोमा जीप पल्टिएको थियो । जीपमा झुण्डिएर यात्रा गरिरहेका माडी गाउँपालिका–१ तुसारपानीका ३७ वर्षका मनसुर वलीको ज्यान गएको प्रहरीले बताएको छ ।

रोल्पाका प्रहरी प्रमुख प्रहरी नायब उपरीक्षक चित्रबहादुर गुरुङका अनुसार जीपमा सवार १५ जनामध्ये २ जना घाइते भएका छन् । अन्य यात्रुहरु सकुसल छन् ।

स्थानीयले क्षमता भन्दा बढी सामान र यात्रु राखिएकाले ह्वापखोला घुम्तीमा जीप पल्टेको बताएका छन् । घटनास्थल पुगेका एक कर्मचारीका अनुसार जीपमा ठूलो मात्रामा सामान र १५/१६ जना यात्रु राखिएकाले दुर्घटना भएको हो ।

उनका अनुसार उक्त जीपको क्षमता ५/७ जना यात्रु बोक्न सक्ने हो । घर्तीगाउँको बल्ले, तुसारपानी, पात्ले र ओत निबासी यात्रुहरु उक्त जीपमा सवार थिए ।

प्रहरीले जीप चालक माडी–१ का हरि वलीलाई नियन्त्रणमा लिएको छ ।