लेखा अधिकृतसहित तीन जना विरुद्ध मुद्दा

कान्तिपुर संवाददाता

काठमाडौँ — अख्तियार दुरुपयोग अनुसन्धान आयोगले पशुसेवा विभाग ललितपुरका लेखा अधिकृत रमेश कार्कीसहित तीन जनाविरुद्ध विशेष अदालतमा भ्रष्टाचारसम्बन्धी मुद्दा दायर गरेको छ ।

ZenTravel


मुद्दा दायर गरिएकामा कार्कीका अतिरिक्त रूपन्देही जिल्ला अदालतका नायब सुब्बा बुद्धिप्रकाश न्यौपाने र लेखापाल विनोद शर्मा छन्।

Meroghar


पशुसेवा विभागका लेखा अधिकृत कार्कीले कार्यालयको सूचना विज्ञापन पत्रिकामा प्रकाशित गरेपश्चात् सेवाग्राहीलाई बिल रकम भुक्तानी गर्ने क्रममा ८ हजार ५ सय रुपैयाँ घूस लिएको अनुसन्धानबाट पुष्टि भएकाले उनीविरुद्ध मुद्दा दायर गरिएको अख्तियारले जनाएको छ।

रूपन्देही जिल्ला अदालतका नायब सुब्बा न्यौपाने र लेखापाल शर्माले मुद्दाको धरौटी रकम फिर्ता दिने क्रममा सेवाग्राहीसँग घूस लिएको पुष्टि भएकाले उनीहरूविरुद्ध मुद्दा दायर गरिएको अख्तियारले उल्लेख गरेको छ। मुद्दा दायर गरिएसँगै उनीहरू तीनै जना सेवाबाट निलम्बित भएका छन्।

प्रकाशित : माघ ४, २०७६ २१:११
ADVERTISEMENT
प्रतिक्रिया
पठाउनुहोस्
ADVERTISEMENT

दलित पत्रकार संघ बाँकेमा रुपा 

कान्तिपुर संवाददाता

बांके — राष्ट्रिय दलित पत्रकार संघ बाँके जिल्ला शाखाको अध्यक्षमा रुपा गहतराज सर्वसम्मत निर्वाचित भएकी छन् । शनिबार नेपालगन्जमा गरिएको बाँके जिल्ला भेलाले गहतराजसको अध्यक्षतामा १२ सदस्यीय समीति गठन गरेको हो । 

नव गठित समितिको उपाध्यक्षमा भीम नेपाली, सचिवमा कविन्द्र परियार, कोषाध्यक्षमा रामगोपाल विश्वकर्मा र सह सचिवमा कुशल दलामी चयत भएका छन्। सदस्यमा सपना परियार, अनिता विक, पवित्रा परियार, कल्पना नेपाली, तुलविर विक, निर्मला विक र लक्ष्मी सुनार छन्। सल्लाहकारमा पुजन विश्वकर्मा, शिवकुमार सुनार र तिलक नेपाली चयन भएका छन्।

संघका केन्द्रिय अध्यक्ष विनोद पहाडीले दलित समुदायका पत्रकारको राष्ट्रिय रुपमा संगठन गर्न जिल्ला र प्रदेशमा समिति गठन गर्ने अभियानमा लागेको बताए। हाल सम्म ३९ वटा जिल्लामा समिति गठन भइसकेको उनले सुनाए।

‘दलित समुदायको पत्रकारितामा पहुँच विस्तार गर्नु र संगठित भइ दलितका मुद्दा उठान गराउन संगठन जरुरी रहेछ,’ उनले भने,‘दलितका विषयमा लेख्ने पत्रकारलाई प्रोत्साहन गर्न विभिन्न पुरस्कार समेत घोषणा गरिएकोछ।’

प्रकाशित : माघ ४, २०७६ २०:३६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×