१८.१२°C काठमाडौं
काठमाडौंमा वायुको गुणस्तर: १६६

आज रातिसम्मै पानी पर्ने 

काठमाडौँ — बिहीबार रातिदेखि परेको पानी शुक्रबार दिनभर काठमाडौंलगायत मुलुकभर पनि पर्ने जल तथा मौसम विज्ञान विभागले जनाएको छ । विभागकी मौषमविद विभूति पोखरेलले पानी दिउँसो एकछिन रोकिए पनि पुनः पर्ने जानकारी दिइन ।

आज रातिसम्मै पानी पर्ने 

‘पानी दिउँसो एकछिन रोकिएपनि दिनभर र रातभर पर्ने देखिएको छ,’ पोखरेलले भनिन्, ‘भोली बदली भएपछि क्रमश मौषम सुधार हुँदै जाने देखिएको छ ।’

आज राति पनि देशका केही स्थानहरुमा हल्का बर्षा हुने तथा उच्च पहाडी तथा हिमाली भेगका केही स्थानहरुमा हल्का हिमपातको सम्भावना रहेको पोखरेलले बताइन ।

विभागले देशका अधिकांश स्थानहरुमा हल्का देखि मध्यम वर्षा हुनुका साथै उच्च पहाडी तथा हिमाली भेगमा हल्का देखि मध्यम हिमपात पर्ने जनाएको छ । मध्य र पश्चिमका उच्च पहाडी तथा हिमाली भेगका थोरै स्थानहरुमा भारी हिमपातको सम्भावना रहेको पोखरेलले बताइन ।

मुलुकभर पश्चिमी न्युन चापीय प्रणालीको प्रभाव रहेकाले नेपालको पश्चिमी, मध्य भू–भागमा र पुर्वी पहाडी भू–भागमा पूर्णतया बदली रहने र पानी पर्ने विभागले जनाएको छ ।

शनिबारपनि देशभर सामान्य बदली भई पहाडी भू–भागका थोरै स्थानहरुमा हल्का वर्षा हुने विभागले जनाएको छ ।

आइतबा दिउँसो अन्य स्थानमा बदली सफा रहने तथा पहाडी भू–भागमा आंशिक बदली भई थोरै स्थानमा हल्का बर्षा हुन सक्ने संभावना रहेको पोखरेलले बताइन ।

प्रकाशित : माघ ३, २०७६ १२:०२
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?