कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १९६

तिब्बतमा नेपाल भ्रमण वर्षको प्रचार

लक्ष्मी लम्साल

बेइजिङ — चीनको स्वशासित क्षेत्र तिब्बतमा 'नेपाल भ्रमण वर्ष २०२०' को प्रचार गरिएको छ। बुधबार तिब्बतको ल्हासामा आयोजित एक कार्यक्रममा महावाणिज्य दूतावास र चिनियाँ सरकारी निकाय एवं पर्यटन व्यवसायीहरूमाझ नेपाली पर्यटनको प्रवर्द्धन गरिएको हाे।

तिब्बतमा नेपाल भ्रमण वर्षको प्रचार

महावाणिज्यदूत गोविन्दबहादुर कार्कीले नेपाल र तिब्बतबीच लामो समयदेखि सांस्कृतिक, आर्थिक र राजनीतिक सम्बन्ध भएको बताए । उनले नेपाल र तिब्बतबीचको आपसी सम्बन्ध सँधै नै स्थिर तथा स्वस्थ रूपमा विकसित हुँदै आएको बताए ।

नेपालको उत्तरी सीमामा पर्ने तिब्बत चीनका लागि बेल्ट एण्ड रोड (बीआरआई)को दक्षिण एसिया प्रवेशको विन्दु हो। कार्कीले सीमा क्षेत्रका नेपाली जनताको जीवनस्तर उकास्नका लागि तिब्बतले खेलेको भूमिकको प्रशंसा गरे। तिब्बत सरकारले हालै नेपालको जीर्ण भएको कन्सुलेट कार्यालय भवन पनि निर्माण गरिएको छ। जसलाई दुवै देशको मित्रताको रूपमा अर्थ्याइएको छ।

कार्कीले नेपाली अर्थतन्त्रको आधार भएकाले पर्यटनको विकासमा चिनियाँ सहयोग अपरिहार्य भएको चर्चा गरे। उनले नेपालमा चिनियाँ पर्यटकलाई निःशुल्क भिसादेखि पर्यटकीय गन्तव्यहरूबारे पनि जानकारी गराए।

तिब्बत स्वशासित क्षेत्रका उपाध्यक्ष दोर्जे छ्छुले चिनियाँ राष्ट्रपतिको नेपाल भ्रमणका कारण धेरै चिनियाँले नेपालबारे जानकारी पाएको बताए। डिसेम्बर १२ मा तिब्बतका उपाध्यक्ष छी चाला नेतृत्वको प्रतिनिधि मण्डलले तिब्बतको भ्रमण गरेको स्मरण गर्दै उनले दुवै पक्षबीच वाणिज्य, पारवहन, पर्यटन, सीमा व्यापारलगायत अन्य विषयमा सहकार्य रहेको बताए।

सन् २०१९ मा करिब १० हजार विदेशी पर्यटकले नेपाल-तिब्बत नाका प्रयोग गरी नेपालको भ्रमण गरेको तिब्बती अनलाइनहरूले जनाएका छन्। त्यस्तै त्यस वर्ष तिब्बत पुगेका चिनियाँ तथा विदेशी गरी ४ करोड पर्यटक पुगेको र पर्यटनबाट भएको आम्दानी ५६ अर्ब आरएमबी पुगेको चिनियाँ सञ्चारमाध्यमहरूले जनाएका छन् ।

प्रकाशित : माघ २, २०७६ १४:४३
प्रतिक्रिया
पठाउनुहोस्
जनताको राय

सुदूरपश्चिममा नेकपा एकीकृत समाजवादी (एस) संघीय सत्ता गठबन्धनभन्दा फरक स्थानमा उभिनुको संकेत के हो ?