दुर्गा प्रसाईंविरुद्ध पक्राउ पुर्जी जारी- समाचार - कान्तिपुर समाचार
कान्तिपुर वेबसाईट
AdvertisementAdvertisement

दुर्गा प्रसाईंविरुद्ध पक्राउ पुर्जी जारी

कान्तिपुर संवाददाता

काठमाडौँ — जिल्ला प्रशासन कार्यालय भक्तपुरले बी एन्ड सी मेडिकल कलेज झापाका सञ्चालक दुर्गा प्रसाईंविरुद्ध पक्राउ पुर्जी जारी गरेको छ । 

अभद्र व्यवहार गरेको उजुरीपछि प्रसाईंलाई जिल्ला प्रशासन कार्यालयले बिहीबार पक्राउ गर्न प्रहरीलाई निर्देशन दिएको हो ।


महानगरीय प्रहरी परिसर भक्तपुर प्रमुख सविन प्रधानले कान्तिपुरसित भने, 'उहाँ (दुर्गा प्रसाईं)विरुद्ध पक्राउ पुर्जी जारी भएको हो । उहाँलाई पक्राउ गर्न हामीले झापा प्रहरीलाई पनि सम्पर्क गरेका छौं तर त्यहाँ नभेटिएको भन्ने खबर आएको छ । हामी खोज्दैछौं ।'


प्रसाईंले आफूविरुद्ध अभद्र व्यवहार, गाली बेइज्जती तथा मानहानी गरेको भन्दै महानगरीय प्रहरी परिसर भक्तपुरमा चिकित्सा शिक्षा आयोगका उपाध्यक्ष श्रीकृष्ण गिरीले उजुरी दिएका थिए ।


प्रसाईंले मंगलबार काठमाडौंमा पत्रकार सम्मेलन गर्दै मेडिकल कलेजको सम्बन्धनका लागि गिरीले आफूसँग २० करोड घूस मागेको दाबी गरेका थिए । प्रसाईंले डा. गिरीविरुद्ध सम्पत्ति शुद्धीकरण अनुसन्धान विभाग र अख्तियार दुरुपयोग अनुसन्धान आयोगमा उजुरीसमेत दिएका थिए ।


गिरीले प्रसाईंको आरोप खण्डन गर्दै मंगलबार काठमाडौं जिल्ला अदालतमा गाली बेइज्जती तथा मानहानीको मुद्दा दर्ता गरेका थिए ।


यो पनि

प्रकाशित : माघ २, २०७६ १२:५४
प्रतिक्रिया
पठाउनुहोस्

खोला दोहनमा स्थानीय सरकार !

हरिहरसिंह राठौर

धादिङ — स्थानीय सरकारकै रोहवरमा जिल्लाका नदीनालामा व्यापक दोहन भइरहेको छ । तत्कालीन जिल्ला विकास समितिले नदीहरुमा ढुंगा, गिट्टी निकाल्न रोकेकोमा स्थानीय सरकारले फुकुवा गरिदिएपछि दोहन बढेको हो ।

अहिले गजुरीको मलेखु र वेल्खुखोला, गल्छीको कोल्फु र थाक्रेको आग्रा खोलामा मापदण्डविपरीत उत्खनन भइरहेको छ । ती खोलाबाट दैनिक सयौं टिप्पर तथा ट्याक्टरले नदीजन्य पदार्थ ओसारपसार हुन्छन् । मलेखु खोलामा ३ वटा क्रसर खोलामै सञ्चालनमा छन् । क्रसर खोलाभन्दा ३ सय मिटर टाढा हुनुपर्ने प्रावधान छ ।

जिल्लाका गजुरी, गल्छी र थाक्रे गाउॅपालिकाले चालु आर्थिक वर्षमा ११ करोडदेखि १३ करोडसम्ममा नदीजन्य पदार्थको निकासी कर संकलन गर्न ठेक्कामा दिएका छन् । ठेकेदारले मापदण्डविपरीत नदीजन्य पदार्थको उत्खनन गरे पनि ती गाउॅपालिका मूकदर्शक बनेका छन् । स्थानीय सरकारका आन्तरिक आयस्रोत नदीजन्य पदार्थ निकासी नै रहेको छ । उपकरण प्रयोग गरी ढुंगा, गिट्टी झिक्दा नदीको नामनिशान नै मेटिँदै गएकोमा स्थानीयले गुनासो गरेका छन् ।

‘जिल्ला अनुगमन समितिले रातारात खोलाको दोहन गरिएको फेला परे उपकरणहरु जफत गरिने निर्णय गरिएको’ प्रमुख जिल्ला अधिकारी आस्मान तामाङले बताउँछन् ।

प्रकाशित : माघ २, २०७६ १२:२१
पूरा पढ्नुहोस्
प्रतिक्रिया
पठाउनुहोस्
×