एमसीसी विवाद अनावश्यक : परराष्ट्रमन्त्री
पाल्पा — परराष्ट्रमन्त्री प्रदीप ज्ञवालीले एमसीसीलाई अनावश्यक विवादमा ल्याइएको बताएका छन् । पाल्पा, गुल्मी र स्याङ्जाको संगम रिडी रुरु क्षेत्रमा रुरु महोत्सव तथा मकर संक्रान्ति मेला उद्घाटन गर्दै मंगलबार उनले भने, ‘भारत, चीन, अमेरिकासँग सहायता लिनुपर्छ ।’
मन्त्री ज्ञवालीले एमसीसीबाट अनुदान लिन आठ वर्षदेखिको प्रयत्न हुँदै आएको बताए ।
‘धेरै मापदण्ड पूरा गरेर नेपाल एमसीसीको अनुदान पाउने हैसियतमा पुगेको हो,’ उनले भने, ‘तर यहाँ यसलाई केहीले बुझेर र केहीले नबुझेर अनावश्यक बहसको विषय बनाइएको छ ।’
उनले नेपाल असंलग्न सिद्धान्तप्रति प्रतिबद्ध रहेको उल्लेख गर्दै कुनै पनि सैन्य गठबन्धनमा सहभागी नहुने बताए ।
प्रकाशित : पुस २९, २०७६ २०:२१प्रतिक्रिया