प्रदेश-१ र कर्णाली प्रदेशमा बुधबार सार्वजनिक बिदा

कान्तिपुर संवाददाता

काठमाडौँ — प्रदेश नम्बर १ र कर्णाली प्रदेशले बुधबार सार्वजनिक बिदा दिएका छन् । प्रदेश एकमा माघे संक्रान्ति र कर्णाली प्रदेशमा माघी पर्वको अवसरमा बिदा दिइएको हो । दुवै प्रदेशका मन्त्रिपरिषद् बैठकले सार्वजनिक बिदा दिने निर्णय गरेका हुन् ।

ZenTravel

प्रदेश १ मन्त्रीपरिषदको बैठकले माघ १ गते माघे संक्रान्तिको अवसरमा सार्वजनिक बिदा दिने निर्णय गरेको सरकारका प्रवक्ता एवं आन्तरिम मामिला तथा कानून मन्त्री हिक्मत कार्कीले बताए।माघी पर्वको अवसरमा प्रदेश १ प्रमुख सोमनाथ अधिकारी शुभकामना सन्देशसमेत दिएका छन्।

कर्णाली प्रदेश सरकारको कात्तिक १९ गते बसेको मन्त्रिपरिषद् बैठकले माघी पर्वमा बिदा दिने निर्णय गरेको थियो। सोही निर्णयका आधारमा माघ १ गते सार्वजनिक बिदा हुनेगरी सूचना प्रकाशन गरिएको आन्तरिक मामिला तथा कानून मन्त्रालयका प्रवक्ता तुलबहादुर खड्काले जानकारी दिए।बुधबार कर्णाली प्रदेशभरका सबै सरकारी र सार्वजनिक कार्यालयका साथै विद्यालयहरु बिदा हुनेछन्।

Meroghar

प्रकाशित : पुस २९, २०७६ १९:०९
ADVERTISEMENT
प्रतिक्रिया
पठाउनुहोस्

राष्ट्रिय राजनीतिमा अलि अलि जटिलता छ : दाहाल

कान्तिपुर संवाददाता

काठमाडौँ — सत्तारुढ नेकपाका अध्यक्ष पुष्पकमल दाहालले राष्ट्रिय राजनीतिमा जटिलता आएको बताएका छन् । चितवनको माडी नगरपालिकामा आयोजित खिचरा महोत्सव उद्घाटन कार्यक्रममा दाहालले राष्ट्रिय राजनीतिमा जटिलता आएको बताएका हुन् ।

'कहिलेकाँही केन्द्रीय राजनीतिमा अलिअलि जटिलता देखा पर्छन् । काठमाडौंमा अलिअलि जटिलता छन् । मलाई समयको निक्कै दबाब थियो । जटिलता समाधान गर्नका लागि लगातार छलफल गर्नुपर्ने थियो । यस्तो बेला बाहिर नजान साथीहरुले भन्नुभएको थियो,' दाहालले भने ।

आफूलाई दबाब दिने राष्ट्रिय राजनीतिको जटिलता के हो भन्नेचाहिँ उल्लेख गरेनन् । सभामुख चयनलाई लिएर नेकपामा संघर्ष छ । दाहाल आफैंले पूर्वमाओवादीले सभामुख पाउनुपर्ने दाबी गर्दै आएका छन् । उनीमाथि पूर्वमाओवादीका नेताले सभामुख छोड्न नहुने दबाब दिँदै आएका छन् । अर्कोतिर, प्रधानमन्त्री तथा नेकपा अध्यक्ष केपी शर्मा ओलीले सुवास नेम्वाङलाई सभामुख बनाउनुपर्ने अडान लिएका छन् ।

उपसभामुख शिवमाया तुम्बाहाङ्फेले आफू स्वतः सभामुख बन्नुपर्ने दाबी गर्दै आएकी छन् । उनले आफूलाई सभामुख नबनाउने भए उपसभामुखबाट राजीनामा नदिने अडान लिएकी छन् । उनले नेकपाको सचिवालय बैठकले पदबाट राजीनामा दिन गरेको आग्रहलाई अस्वीकार गर्दै हटाउन चुनौती दिएकी छन् ।

यसैबीच चितवन पुगेका दाहालले राष्ट्रिय राजनीतिमा दबाब उत्पन्न भएको बताएका हुन् । त्यसबारे आज साँझ बालुवाटारमा दुवै अध्यक्ष र अन्य नेताहरूबीच छलफल हुन लागेको छ ।

दाहालले नेपाललाई समृद्ध र सुखी बनाउने राष्ट्रिय आकांक्षाका साथ पार्टी नेतृत्व अगाडि बढेको पनि बताएका छन् । सरकार र पार्टीलाई यतिबेला अवसर र चुनौती दुवै रहेको उनको भनाइ थियो ।

प्रकाशित : पुस २९, २०७६ १८:०३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×