चुरे दोहन नरोकिए मधेस मरुभूमि बन्छ : मुख्यमन्त्री राउत   

श्यामसुन्दर शशि

जनकपुर — प्रदेश–२ का मुख्यमन्त्री लालबाबु राउतले चुरे दोहन नरोकिए मधेसको जग्गा मरभूमि बन्ने बताएका छन् । अहिले चलिरहेको बालुवा, गिट्टी संकलन तथा चरिचरणलगायत गतिविधिमाथि रोक नलगाए, अन्नको भकारी भनिने मधेसको जग्गा मरुभूमिमा परिणत मुख्यमन्त्री राउतले बताए । 

परराष्ट्र मामिला अध्ययन प्रतिष्ठान तथा निती अनुसन्धान प्रतिष्ठानले मंगलबार जनकपुरमा संयुक्त आयोजना गरेको ‘जलवायु परिर्वतन, पर्वतीय वातावरण र मानव जातिको भविष्य’ विषयक गोष्ठीमा मुख्यमन्त्री राउतले माथिल्लो तहको मिलेमतोमा बर्षौदेखि चुरे दोहन भइरहेको बताए ।


उनले भने– ‘तल देखि माथिसम्मको मिलिमतोमा वर्षौदेखि चुरे दोहन हुदैँ आएको छ । मुलुक संघीयतामा गयो तर चुरे दोहन रोकिएको छैन ।’


माथिल्लो तहको सेटिङमा टिपर लगाएर खोला तथा नदी उत्खनन गराउने काम भइरहेको उनको भनाइ थियो ।

तराई मधेसमा वर्षेनी आउने बाढी, कटान तथा मरुमूमिकरण चुरे दोहनकै कारण भएको भन्दै मुख्यमन्त्री राउतले संघीय सरकारले चुरे संरक्षणलाई बेवास्ता गरेको आरोप लगाए ।


संघीय सरकार मधेसका वन जंगल तथा प्राकृतिक सम्पदाहरुको संरक्षणलाई वेवास्ता गरेको आरोप लगाउदै उनले निगम बनाएर बिक्री गर्न लागेको सागरनाथ वनलाई प्रदेश सरकारले फिर्ता लिएको बताए ।

प्रकाशित : पुस २९, २०७६ १७:४५
ADVERTISEMENT
प्रतिक्रिया
पठाउनुहोस्
ADVERTISEMENT

धेरै पानी खाएको भन्दै अस्ट्रेलियामा ५ हजार ऊँटलाई गोली हानियो 

एजेन्सी

अस्ट्रेलिया — दक्षिण अस्ट्रेलियामा ५ हजार ऊँटलाई गोली हानेर मारिएको छ । खडेरी र पानीको समस्यासँग जुधिरहेको उक्त क्षेत्रमा ऊँटले धेरै पानी खाइदिएपछि हेलिकप्टरबाट गोली हानेर मारिएको समाचार एजेन्सी एएफपीले उल्लेख गरेको छ ।

५ दिन लगाएर 'सुटर'ले हेलिकप्टरबाट गोली हानेर ऊँट मारेका हुन् । खडेरी प्रभावित दक्षिणी अस्ट्रेलिया क्षेत्रका रैथानेहरुलाई ऊँटले पानी खाइदिएर असर गरेपछि गोली हानेर मारिएको अधिकारीहरुले जानकारी दिएका छन् ।

दक्षिण अस्ट्रेलियाका अबोरिजिनल अगुवाहरुले झुन्डमा आएका ऊँटले ग्रामिण इलाकामा धेरै पानी र खानेकुरा खाइदिने, भौतिक संरचना भत्काइदिनेजस्ता गतिविधि गरेको बताए ।

ऊँटका झुन्डलाई छुट्टाइएको एपीआई क्षेत्रमा मात्र २ हजार ३ सय परिवार रैथाने समुदायको बसोबास रहेको त्यहाँका जेनेरल म्यानेजर रिचार्ड किङले बताए । झुन्ड छुट्याउने काम आइतबार सकिएको थियो ।

मंगलबार एक विज्ञप्ति निकाल्दै रिचार्डले भनेका छन्, 'पशु अधिकारकर्मीहरुको चिन्तालाई हामीले गम्भीर रुपमा लिएका छौँ तर यहाँका रैथाने जीवहरुको यथार्थबारे धेरै गलत सूचनाहरु आएका छन् । हामीले आगन्तुक प्रजातिमा समाधान खोज्नुपर्छ ।'

रिचार्डले ऊँटहरु पानी भएका स्थानहरुमा मर्दा मुहानहरु प्रदूषित भएको बताए । पानीका मुहान प्रदूषित हुँदा त्यहाँ आश्रित स्थानीय र रैथाने जीवहरुलाई असर गरेको उनले एएफपीलाई बताएका छन् ।

लामोसमयसम्म खडेरी हुँदा रैथाने जीवहरुलाई मात्रै नभएर ऊँटहरुसमेत प्रभावित हुँदा जथाभावी मरेका र रोगी ऊँटहरु फेला पर्ने गरेका थिए । ऊँटले त्यहाँका रैथाने वनस्पति तथा बिरुवाहरुलाई खाइदिने गर्दा विभिन्न समस्याहरु निम्त्याउने गरेको एपीआईले जनाएको छ । त्यहाँका मानिसहरुले यसअघि आउने ऊँटलाई बेच्ने तथा व्यवस्थापन गरेपनि पछिल्लो समय संख्या धेरै हुँदा वातवरणमा असर परेको त्यहाँको वातावरण विभागले जनाएको छ ।

सेप्टेम्बरदेखि अस्ट्रेलियामा फैलिएको डढेलोका कारण खाना र पानीको अभाव भएपछि ऊँटहरु त्यसैको खोजीमा मानवबस्तीहरुमा छिर्न थालेका छन् । कतिपय खान नपाएर भोकै रहने र जुनसुकै ठाउँमा ऊँटहरु मरेका छन् । पानीमा मुहानहरुमा पानी खाने त्यहीँ मर्न थालेपछि मारिएको हो ।

ऊँट अस्ट्रेलियाको रैथाने प्रजाति हैन । यो त्यहाँका लागि बाह्य प्रजाति हो । सन् १८४० मा अस्ट्रेलियामा पहिलोपटक भारतबाट ऊँट ल्याइएको थियो ।अस्ट्रेलियामा पहिलो पटक २० हजार ऊँट अन्यत्रबाट ल्याइएको थियो ।

अहिले विश्वमा सबैभन्दा बढी ऊँट अस्ट्रेलियामा पाइन्छन् । अस्ट्रेलियाका विभिन्न मरुभूमिहरुमा करिब १० लाखको हाराहारीमा ऊँट रहेको अनुमान गरिन्छ ।

प्रकाशित : पुस २९, २०७६ १७:३६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×