कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

युवक हत्याको विरोधमा उत्रिएका स्थानीयमाथि हवाई फायर

सन्तोष सिंह

धनुषा — युवक हत्याको विरोधमा प्रदर्शनमा उत्रिएका स्थानीयमाथि हवाई फायर गरी प्रहरीले राजमार्ग खुलाएको छ । अवैध रुपमा भइरहेको उत्खनन्‌को विरोध गर्दा मिथिला नगरपालिका-५ श्रीपुरका २४ वर्षीय दिलीपकुमार महतोको टिपरले किचेर हत्या गरेपछि स्थानीयले टायर बालेर राजमार्ग बन्द गरेका थिए ।

युवक हत्याको विरोधमा उत्रिएका स्थानीयमाथि हवाई फायर

आफूहरुसँग सल्लाह नगरी र मुचुल्का नगरी शव उठाएको भन्दै मृतकका परिवारले शवको पोस्टमार्टम गर्न दिएका छैनन् । प्रहरी पनि क्रसर उद्योगसँगै मिलेको परिवारले आरोप लगाएका छन् ।


शुक्रबार बिहान साथीसँग मर्निङवाकमा गएका बेला औरही खोलमा उनलाई टिपरले किचेर हत्या गरेको थियो ।

मिथिला नगरपालिका–५ श्रीपुरमा रहेको घरनजिकैको नदीमा भइरहेको अवैध उत्खनन्‌को विरोध गर्दा महतोलाई टिपरले किचेर हत्या गरेको इलाका प्रहरी कार्यालय ढल्केबरका प्रहरी निरीक्षक रामकुमार यादवले बताए। उनका अनुसार महतोलाई जबर्जस्ती समाएर ना ७ ख ६४१३ नम्बरका टिपर चालकले किचेका थिए।


दिलीपकुमार महतो भारतको भोपालमा इन्जिनियरिङ पढ्दै आएका थिए । उनी गाउँका हुने गरेको अवैध उत्खनन्‌को लामो समयदेखि विरोध गर्दै आएका थिए ।

सम्बन्धित समाचार

अवैध उत्खनन्‌को विरोध गर्ने युवकको टिपरले किचेर हत्या, स्थानीयले गरे राजमार्ग अवरुद्ध

प्रकाशित : पुस २५, २०७६ १३:०५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?