द्वारिका होटल गएको पनि छैन, रकम मागेको आरोप झूठा : उपाध्यक्ष गिरी
काठमाडौँ — चिकित्सा शिक्षा आयोगका उपाध्यक्ष डा. श्रीकृष्ण गिरीले बीएण्डसी मेडिकल कलेजका सञ्चालक दुर्गा प्रसाईसँग घूस मागेको आरोपको खण्डन गरेका छन् ।
प्रसाईंले गत मंसिर १५ गते गिरीले द्वारिका होटलमा भटेर बीएण्डसीको सम्बन्धनका लागि २० करोड मागेको दाबी गरेका थिए । प्रसाईंले पत्रकार सम्मेलन गरेर आरोप लगाएको केहि घण्टामै पत्रकार सम्मेलन गरेर गिरीले द्वारिका होटल नै नगएको दाबी गरेको हुन् ।
‘म कसैलाई भेट्न द्वारिका होटल गएको छैन,’ उनले जारी गरेको विज्ञप्तिमा भनिएको छ, ‘म विरुद्ध लगाएको आरोप मिथ्या, झूठा, भ्रामक र कपोकल्पित छ, पुष्टाई गर्न सम्बन्धित व्यक्तिलाई चुनौती दिन्छु ।’
गिरीले रकम मागेको आरोप लगाउने प्रसाईं विरुद्ध कानुनी उपचारको बाटो अबलम्बन गर्ने चेतावनी समेत दिएका छन् ।
यो पनि पढ्नुहोस्ः
सम्बन्धनका लागि घुस मागेको प्रसाईंको आरोप
प्रकाशित : पुस २३, २०७६ १७:२५