ओलीले फाेनमा दिए माेदीलाई नयाँ वर्षकाे शुभकामना

प्रधानमन्त्री ओलीले ट्वीट गर्दै आफूले भारतीय समकक्षी मोदीसँग बुधबार फोनवार्ता गरेको बताएका हुन् ।कुराकानीमा सन् २०१९ दुई देशबीचको सम्बन्धलाई नयाँ आयाममा पुर्‌याउन सफल भएको र बाँकी समस्या समाधान गर्दै सम्बन्धलाई अझै उचाइमा पुर्‌याउन सन् २०२० सफल रहने विश्वास व्यक्त गरेको ओलीले बताएका छन् ।

आज बिहान भारतीय प्रधानमन्त्री @PMOIndia श्री नरेन्द्र मोदीजीसँग मेरो फोन वार्ता भयो। हामीले नयॉ बर्ष २०२० को शुभकामना आदान-प्रदान गर्यौं।

— K P Sharma Oli (@kpsharmaoli) January 1, 2020

प्रधानमन्त्री ओलीले भारतीय प्रधानमन्त्री मोदीलाई नेपाल भ्रमणका लागि आग्रह गरेको पनि बताएका छन् ।

प्रकाशित : पुस १६, २०७६ १२:०६