पक्राउ परेका ८४ चिनियाँको राहदानी भेटिएन
काठमाडौँ — नेपाल प्रहरीले सोमबार गरेको बृहत सर्च अप्रेशनमा मनमैंजुबाट पक्राउ परेका मध्ये ८४ जना चिनियाँको राहदानी फेला नपरेको बताएको छ । प्रहरी स्रोतका अनुसार मजमैंजु क्षेत्रमा रहेका घरहरुबाट नियन्त्रणमा लिइएका चिनियाँहरुको राहदानी फेला परेको छैन ।
सोमबार साँझ प्रहरीको केन्द्रिय अनुसन्धान ब्यूरो (सीआईबी), महानगरीय प्रहरी अपराध महाशाखा तथा महानगरी प्रहरी परिसर काठमाडौंले संयुक्त रुपमा गरेको अप्रेशनमा काठमाडौंका विभिन्न स्थानबाट १२२ जना चिनियाँ नागरिकहरु पक्राउ परेका थिए ।
चिनियाँ विदेश मन्त्रालयलले मंगलबार नियमित प्रेस सम्मेलन मार्फत चिनियाँ प्रहरी तथा नेपाल प्रहरीले मिलेर उक्त अप्रेशन गरेको र पक्राउ परेका सबै चिनियाँ नागरिकहरु विभिन्न गैरकानुनि क्रियाकलापमा संलग्न रहेको बताएको थियो ।
प्रहरीको केन्द्रिय अनुसन्धान ब्यूरो (सीआईबी)ले बुधबार २ बजे यसैबारे जानकारी दिन पत्रकार सम्मेलन आयोजना गरेको थियो ।
प्रकाशित : पुस ९, २०७६ १३:३६