नेकपा मुख्य सचेतकको माग : गोकर्ण र दरबारमार्गको जग्गा विवादबारे सरकारले स्पष्ट पाराेस्

'जनता त्राहिमाम भएको बेला सरकारले नाक फुलाउने अवस्था देख्दिनँ'
कान्तिपुर संवाददाता

काठमाडौँ — सत्तारुढ नेकपाका राष्ट्रियसभाका मुख्य सचेतक खिमलाल भट्टराईले गोकर्ण रिसोर्ट र दरबारमार्गको जग्गा विवादबारे संसदमा स्पष्ट पार्न सरकारसँग माग गरेका छन् । सरकारले सार्वजनिक जग्गा संरक्षण गरेकाे दाबी गरिरहेका बेला यसरी सार्वजनिक जग्गाबारे आएको विवादलाई लिएर सरकार चुप लाग्न नहुने उनको भनाइ थियो ।

ZenTravel

राष्ट्रियसभाको सोमबारको बैठकमा भट्टराईले भने, 'गोकर्ण रिसोर्ट र नारायणहिटी संग्रहालय अगाडि दरबारमार्गमा रहेको जग्गाको भोगाधिकारसम्बन्धी विषय आलोचनाको रूपमा सार्वजनिक भएको छ। आलोचना र विवाद बाहिर आइसकेपछि स्पष्ट पार्नु सरकारको कर्तव्य हुन्छ। तसर्थ यी विषयमा सदनलाई जानकारी गराइयोस्।'

सरकारले कानुन संशोधन गरेर यती होल्डिङ्सलाई गोकर्ण रिसोर्ट र नारायणहिटी संग्रहालय अगाडिको दरबारमार्गमा रहेको जग्गा भोगाधिकार गर्न दिएको थियो। गोकर्ण रिसोर्टको जग्गाको लिजमा दिएको समय सकिनु अगावै उक्त जग्गा यती होल्डिङ्सलाई दिएको थियो। जसलाई लिएर सरकारको चर्को आलोचना भइरहेको छ।

भारतले सीमा मिचेको विषयमा सरकारले स्पष्ट अडान लिएको भट्टराईले दाबी गरेका थिए। लिम्पियाधुरा, लिपुलेक र कालापानी राजनीतिक मुद्दा बनेको र त्यसलाई सरकारले सही ढंगले संचालन गरिरहेको उनको भनाइ थियो। भारतसँग कूटनीतिक पहल गरेर सरकार मिचिएको भूमि फिर्ता ल्याउन लागेको उनले बताए।

मुलुक अपराधमुक्त हुँदै गएको पनि भट्टराईको दाबी थियो। पैसाले कानुन र न्याय किन्ने तथा उच्च ओहदामा रहेका व्यक्तिहरूले अपराध गरेमा बच्ने अवस्थाको अन्त्य भएको उनले बताए। उच्च ओहदामा बस्नेले नैतिक मूल्यमा आधारित भएर राजनीति गर्नुपर्ने उनको जोड थियो।

समाजवादी पार्टी नेपालका राष्ट्रियसभा सदस्य रामप्रीत पासवानले व्यवस्था परिर्वतन भए पनि सर्वसाधारणले परिर्वतनको अनुभूति गर्न नसकेको बताए। सर्वहाराका नेता भन्न रुचाउनेमा मात्रै परिर्वतन आएको भन्दै उनले विभेदरहित समाज भाषणमा नभई व्यवहारमा देखाउन सरकारलाई चुनौती दिएका थिए। उनले भने, 'आफूलाई सर्वहाराका नेता भन्नेहरू आज धनाढ्य बन्न पुगेका छन्। त्यो मात्रै परिर्वतन भएको छ।'

जनता महँगाइको मारमा परेको सांसद पासवानको भनाइ थियो। जनताले आलु र प्याज किन्न नसकिरहेको अवस्थामा सरकारले अनावश्यक चर्चा खोजिरहेको उनले आरोप लगाए ।'दैनिक उपभोग्य वस्तु किन्न नसकेर जनता त्राहिमाम र त्रसित छन् अनि सरकार के कुरामा स्वाङ गर्दैछ ? सरकारले नाक फुलाउने अवस्था त म देख्दै देख्दिन', उनले भने।

विभेद र भ्रष्टाचारको अन्त्य नभए युवाले स्वदेशमै रोजगारी नपाएसम्म मुलुक समृद्ध हुन नसक्ने पासवानको भनाइ थियो। वर्तमान सरकारको समयमा एनसेल, गोकर्ण रिसोर्टलगायत ठूला भ्रष्टाचार काण्ड भएको उनले आरोप लगाए। सांसदहरूबीच प्रत्यक्ष र समानुपातिक भनेर विभेद गरिएको पनि उनको आरोप थियो।

म्बन्धित समाचारः

संसदमा कांग्रेसले सोध्यो : भारतले सीमा मिच्दा प्रधानमन्त्री ओली किन मौन?

प्रकाशित : पुस ७, २०७६ १५:०७
ADVERTISEMENT
प्रतिक्रिया
पठाउनुहोस्
ADVERTISEMENT

संसदमा कांग्रेसले सोध्यो : भारतले सीमा मिच्दा प्रधानमन्त्री ओली किन मौन ?

कान्तिपुर संवाददाता

काठमाडौँ — प्रमुख प्रतिपक्षी दल नेपाली कांग्रेसले भारतको अतिक्रमणमा परेको नेपाली भूभाग फिर्ता गराउने सम्बन्धमा प्रधानमन्त्री केपी शर्मा ओलीले मौनता साँधेको भन्दै आलोचना गरेको छ ।

संघीय संसद राष्ट्रियसभाको सोमबारको बैठकमा कांग्रेस सांसद बद्रीप्रसाद पाण्डेले भारतले सीमा मिचेको कुरालाई लिएर प्रधानमन्त्री ओलीले आवश्यक पहल नगरेको आरोप लगाएका हुन्। उनले विगतमा भारतले नाकाबन्दी गर्दा चर्को आलोचना गर्ने प्रधानमन्त्री सीमा मिच्दासमेत माैन रहेको भन्दै आलोचना गरे।

सुगौली सन्धिले निर्धारण गरेको सीमा कायम हुनुपर्ने विषयलाई सरकारले अडानका रूपमा राख्न नसकेको सांसद पाण्डेको भनाइ छ। उनले सीमा सुरक्षा र अतिक्रमणमा परेको भूमि फिर्ता गर्ने सम्बन्धमा भएका प्रयासबारे सदनलाई जानकारी गराउन पनि सरकारसँग माग गरेका छन्।

'प्रधानमन्त्रीले के गरिरहनु भएको छ ? परराष्ट मन्त्रालयले के गरिरहेको छ ? सरकारका अन्य निकायहरूले के गर्दैछन्। यो समस्या कसरी समाधान हुन्छ ?', सांसद पाण्डेले भने, 'हामी नेपालीहरू स्पष्ट छौँ। कसैको हामीले के इन्च जग्गा मिच्नु पनि छैन। र, नेपालको एक इन्च जग्गा दिनु पनि छैन।'

कालापानीलगायत क्षेत्र नेपालको भएको कुरा सरकारले भारतसँग राख्न नसकेको पनि पाण्डेको भनाइ थियो। 'सुगौली सन्धिले निर्धारण गरेको सीमा कायम हुनुपर्छ भन्ने कुरा दृढताका साथ हामी किन राख्न सकिरहेका छैनौँ? यसको जवाफ प्रधानमन्त्रीले सदनमा आएर दिनुपर्छ। भारतसँग पनि यो समस्या समाधानका लागि तत्काल अग्रसरता लिनुपर्छ।'

भारतले राजनीतिक नक्सा सार्वजनिक गर्ने क्रममा नेपालको ४ सय वर्ग किलोमिटर भूमि मिच्ने काम भएको दाबी गर्दे सांसद पाण्डेले सीमामाथि धावा बोल्ने काम हुँदा पनि सरकार मौन बसेकोमा आक्रोश पोखेका थिए।

उनले वर्तमान सरकारले भ्रष्टाचारमा कीर्तिमान कायम गरेको पनि आरोप लगाए।

प्रकाशित : पुस ७, २०७६ १४:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×