सुनसरीमा प्रहरीले भेटायो एउटा एसएमजी र त्यसमा लाग्ने ९९८२ थान गोली 

प्रदीप मेन्याङ्बो

सुनसरी — सुनसरी प्रहरीले बराहक्षेत्र नगरपालिका–५ एकताटोलस्थित खेम प्रधानको कुखुरा फार्मबाट (सबमेसिन गन), त्यसमा प्रयोग हुने गोली र एक बोरा विस्फोटक पदार्थ फेला पारेको छ । फार्मको जग मुनि लुकाएर राखेको अवस्थामा आइतबार एसएमजी र त्यसमा प्रयोग हुने गोली ९ हजार ९ सय ८२ थान फेला परेको सुनसरीका प्रहरी उपरिक्षक (एसपी) यज्ञविनोद पोखरेलले जानकारी दिए । 

ZenTravel

गोप्य सूचनाको आधारमा प्रधानको कुखुरा फार्म खानतलासी गर्दा एसएमजी, गोली र विस्फोटक पदार्थ फेला परेको उनले बताए। हतियार र गोली पहिला नै गाडेर राखिएको जस्तो देखिएका एसपी पोखरेलले बताए।

उनले भने, ‘ती हतियार र गोलीहरु पहिले नै गाडेर राखिएको जस्तो देखिएको छ। हामी थप अनुसन्धान गर्दै छौं।’

अहिले अत्याधुनिक हतियार, गोली र विस्फोटक पदार्थ बरामद भएको स्थल आसपास सेना, सशस्त्र प्रहरी र नेपाल प्रहरी परिचालन गरिएको छ।

धरान उपमहानगरपालिकासँग सिमाना जोडिएको बराहक्षेत्र–५ साविक भरौल गाविसमा पर्छ।

कुखुरा फार्म संचालक प्रधान द्वन्द्वकालमा माओवादीका कार्यकर्ता रहेको गाउँलेहरुले बताएका छन्।प्रहरीले ती हतियार कसलेर कहिले लुकाएको भन्ने प्रष्ट भनेको छैन्।

प्रकाशित : पुस ६, २०७६ १६:५६
प्रतिक्रिया
पठाउनुहोस्
ADVERTISEMENT

विपक्षीले भ्रमको खेती गरे, नागरिकता कानुन भारतीय मुसलमान विरुद्ध होइन : मोदी

सुरेशराज न्यौपाने

नयाँ दिल्ली — भारतीय प्रधानमन्त्री नरेन्द्र मोदीले नागरिकता कानुनका सम्बन्धमा विपक्षीहरुले भ्रमको खेती गरेको बताएका छन् । नागरिकता ऐनको विरोधमा मुलकभर नै आन्दोलन चर्किएका बेला माेदीले त्यसकाे बचाउ गर्दै विपक्षीले भ्रमकाे खेती गरेकाे बताएका हुन ।

भारतीय जनता पार्टी (भाजपा) को मूल नारा नै 'सबका साथ सबका विकास' भएको भन्दै मोदीले कसैलाई पनि विभेद नगरेको दाबी गरेका छन्। राजधानी नयाँदिल्लीस्थित रामलिला मैदानमा आइतबार पार्टीद्वारा आयोजित आमसभालाई सम्बोधन गर्दै मोदीले नगरिकता कानुन र राष्ट्रिय नागरिक पञ्जीकरण (एनआरसी) को विरोधमा मुस्लिम समुदाय आन्दोलित भएको तर्फ संकेत गर्दै भारतीय मुसलमानहरुलाई चिन्ता नगर्न आग्रह गरे।

‘नागरिकता कानुन र एनआरसी भारतका मुसलमानहरु विरुद्ध लक्षित होइन। यो ठाडो झूट हो,’ मोदीले भने।

नागरिकता संशोधन ऐनविरुद्ध भारतमा विगत दुई सातादेखि जारी आन्दोलनमा २० जनाको ज्यान गइसकेको छ। सयौं गिरफ्तार भएका छन्। प्रदर्शनका क्रममा ठूलो मात्रामा सार्वजनिक सम्पत्तीमा क्षति पुगेको छ। विवादित नागरिकता संशोधन ऐनको विरुद्धमा पूर्वोत्तर भारतको आसाम र त्रिपुराबाट दुई साताअघि शुरु भएको आन्दोलन देशव्यापी बन्दै गएपछि विभिन्न स्थानमा हिंसात्मक प्रदर्शन भएका छन्।

नागरिकता ऐनको विरुद्ध विपक्षी दलहरुले भ्रम सिर्जना गरेर भोटको राजनीति गरेको आरोप मोदीको छ। नागरिकता कानुन विगत कैयौं वर्षदेखि भारतमा बस्दै आएका शरणार्थीहरुका लागि मात्र लागू हुने र नयाँ शरणार्थीले यसबाट लाभ नपाउने मोदीको भनाई छ। कसैको पनि नागरिकता नगुम्ने प्रतिबद्धता मोदीले व्यक्त गरे।

‘दिल्लीको जनतालेभन्दा बढी शरणार्थीको पीडा कसले बढी बुझ्न सक्छ। नागरिकता कानुनले यथार्थमा पाकिस्तान, अफगानिस्तान र बंग्लादेशबाट धार्मिक आस्थाका कारण प्रताडित अल्पसंख्यकहरुलाई नागरिकता दिन बाटो खोलेको छ,’ मोदीले भने।

मोदीले शरणार्थी र अवैध प्रवासीबीच आधारभूत भिन्नता रहेको बताए। ‘शरणार्थीले आफूलाई आस्थाका कारणले देश छाड्नु परेको बताउँछ। जबकी अवैध प्रवासीहरुले त्यो बताउँदैन,’ मोदीले भने।

विरोधीहरुले नियत बस यसलाई मिसाएको दावी मोदीको छ। उनले हातमा तिरगां (भारतको झण्डा) लिनेहरुले शान्ति बहालीका लागि हिंसात्मक प्रदर्शहरुकारीको विरोधमा आवाज उठाउने विश्वास व्यक्त गरे।

मोदीले महात्मा गान्धीले नै पाकिस्तान छाडेर आउने शिख र हिन्दुलाई भारतमा जहिले पनि स्वागत गरिने भनेको र पछिल्लो कानुन पनि सन् १९४७ मा तत्कालिन भारत सरकारले गरेको वाचा अनुरुप भएको बताए। ‘हामीहरुले दशकौं लामो वाचालाई पुरा गरिरहेका छौं, किन उनीहरु यसको विरोध गरिरहेका छन्?’ मोदीले भने।

मोदीले नागरिकता कानुन र एनआरसीको विषयमा विपक्षी भारतीय राष्ट्रिय कांग्रेसको भ्रम सिर्जना गरेको आरोप समेत लगाए। ‘कांग्रेस र उनका सहरी नक्सली साथीहरुले मुसलमानहरुलाई बन्दीगृहमा राखिने भनेर भ्रम फैलाएका छन्। आफ्नो शिक्षाको सम्मान गर्नुस, नागरिकता कानुन र एनआरसीमा के लेखेको छ त्यो पढ्नुस,’ मोदीले भने। एनआरसी कांग्रेसकै पालामा आएको मोदीको भनाई छ।

केही राज्यका मुख्यमन्त्रीहरुले संशोधित नागरिकता कानुन लागू नगर्ने भनेकोमा मोदीले आश्चर्य व्यक्त गरेका छन्। नागकिरता कानुनलाई लिएर आन्दोलन चर्किँदै गए पछि पश्चिम बंगाल, उडिसा, केरलालगायतका एक दर्जनभन्दा बढी राज्यका मुख्यमन्त्रीहरुले आफ्ना राज्यमा नागरिकता ऐन र एनआरसी लागू नगर्ने घोषणा गरेका थिए। ‘एउटै झण्डा, एउटै राष्ट्रिय गान अनि त्यस्तो अभिव्यक्ति दिन मिल्छ। कम्तीमा पनि कानुनका जानकारहरुलाई सोध्नुस् के त्यसो गर्न सम्भव छ?’ मोदीको भनाई थियो।

केहीले कानुन गरिबको विरुद्ध भन्ने किसिमको समेत भ्रम छरेकोमा समेत आश्चर्य लागेको मोदीले बताए। ‘भारतका १३० करोड जनतालाई नागरिकता कानुनसँग कुनै सम्बन्ध छैन। एनआरसीका सम्बन्धमा पनि त्यस्तै भ्रम सिर्जना गरिएको छ,’ मोदीले भने।

उनले कांग्रेसलगायतका विपक्षीहरुमाथि देशका जनताले अस्विकृत गरेपछि अब केही नपाएर पुरानै विभाजन गर र शासन गर भन्ने उपायहरु खोज्न थालेको आरोप लगाए।

प्रकाशित : पुस ६, २०७६ १६:३९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×