दुई कलाकारको निधन : प्रधानमन्त्रीद्वारा श्रद्धाञ्जली व्यक्त
काठमाडौँ — प्रधानमन्त्री केपी शर्मा ओलीले नेपाल चलचित्र विकास बोर्डका अध्यक्ष केशव भट्टराई र कलाकार दीपक क्षेत्रीको निधनप्रति श्रद्धाञ्जली व्यक्त गर्दै मुलुकले प्रतिभावान् दुई कलाकार गुमाएको जनाएका छन्।
प्रधानमन्त्री ओलीले सोमबार ट्विट गर्दै भनेका छन्, “गएको दुई दिनमा हामीले दुई प्रतिभावान् गुमायौँ । उहाँहरुको कला सधैँ हाम्रो स्मृतिमा रहनेछ ।”
प्रधानमन्त्री ओलीले दिवङ्गत परिवारलाई हार्दिक समवेदना व्यक्त गरेका छन् । अध्यक्ष भट्टराईको आइतबार राति र कलाकार क्षेत्रीको दुई दिनअघि निधन भएको थियो ।
दुवै कलाकारको आजै पशुपति आर्यघाटमा अन्तिम संस्कार गरिदैछ ।
प्रकाशित : मंसिर ३०, २०७६ १२:२३प्रतिक्रिया