अनुसन्धान विभागसँग सम्बन्धित विधेयक फिर्ता लिन कांग्रेसको माग

विधेयकमा संविधानको मौलिक हकले प्रदान गरेको नागरिकको स्वतन्त्रताको हकलाई कुण्ठित गर्ने, नागरिकका हरेक सूचना चुहावट हुने, गोपनियता भंग हुने र स्वतन्त्रतालाई समाप्त गर्नेगरी राखिएको प्रावधान संविधान प्रतिकूल भएकाले स्वीकार्य नहुने कांग्रेसले बताएको छ ।

कांग्रेसका मुख्य सचेतक बालकृष्ण खाणले सोमबार विज्ञप्ति जारी गर्दै संविधानमा उल्लेखित नागरिक स्वतन्त्रता, गोपनियताको हक लगायतको मौलिक हक प्रतिकूल भएको विधेयक फिर्ता गर्न माग गरेका छन् ।

उनले विज्ञप्तिमा नागरिकका स्वतन्त्रता र हितविपरीत हुने विधेयकहरु प्रस्तुत नगर्न सरकारलाई सचेत गराएका छन् ।