स्थायी कमिटी बैठकमा दाहालले पेस गरे राजनीतिक प्रतिवेदन
काठमाडौँ — सत्तारुढ नेकपाको स्थायी कमिटी बैठकमा अध्यक्ष पुष्पकमल दाहालले राजनीतिक प्रतिवेदन पेस गरेका छन् । पार्टी कार्यालय धुम्बाराहीमा आइतबारबाट सुरु बैठकमा दाहालले ११ पेज लामो राजनीतिक प्रतिवेदन पेस गरेका हुन् ।
प्रतिवेदनमाथि सोमबार नेताहरुले धारणा राख्ने तय भएको छ । दाहालकाे राजनीतिक प्रतिवेदनमा देशको पछिल्लो राजनीतिक अवस्था, अन्तर्राष्ट्रिय परिस्थिति, सरकारको समिक्षा, उपचुनावको समिक्षा, पार्टीका आगामी कार्ययोजनालगायत विषय समेटिएका छन् ।
दाहालले ७ ओटा छुट्टाछुट्टै शीर्षक राखेर बनाएको प्रतिवेदन पेस भएपछि बैठक स्थगित भएको छ । बैठक सोमबार बिहान ११ बजे पार्टी मुख्यालयमा बस्ने बस्ने प्रवक्ता नारायणकाजी श्रेष्ठले बताए ।
प्रकाशित : मंसिर २९, २०७६ १५:४५