सिन्धुपाल्चोकमा बस दुर्घटना, १२ जनाको मृत्यु [अपडेट]
सिन्धुपाल्चोक — जिल्लाको सुनकोसी गाउँपालिका-६ मा आइतबार बिहान बस दुर्घटना भएको छ । दोलखाको कालिञ्चोकबाट भक्तपुर जाँदै गरेको बा २ ख ४४६८ नम्बरको यात्रु बस अरनिको राजमार्गअन्तर्गत सिन्धुपाल्चोकको लामोसाँघु जिरी सडकको ६ किलोबाट खसेको हो ।
घटनास्थलमा रहेका प्रहरीले अहिलेसम्म १२ शव भेटिएको बतायो । 'अहिलेसम्म १२ वटा शव भेटिएको छ, अरु खोजी कार्य भइरहेको छ,' घटनास्थलमा रहेका जिल्ला ट्राफिक प्रहरी राधेश्याम जंगमले कान्तिपुरसँग भने । मृतकको सनाखत भएको छैन ।
दुर्घटनामा घाइते भएका १५ जनालाई काभ्रेको धुलिखेल र सिन्धुपाल्चोककै सिन्धु सदावहार अस्पताल खाडीचौर पठाइएको छ ।घटनास्थलमा स्थानीय, प्रहरीले उद्धार कार्य जारी राखेका छन् ।
करिब ९ बजे बस दुर्घटना भएको हो । बस ६ किलो सडकबाट करिब ५ मिटर तल सडकमा खसेको छ ।
प्रकाशित : मंसिर २९, २०७६ ०९:०५