बिहेकै भोलिपल्ट दुलहीको हत्या

हरिहरसिंह राठौर

धादिङ — गत मंसिर ९ गते २० वर्षीय अनिशा तामाङलाई दुलहीका रुपमा भित्र्याएका धादिङको सिद्धलेक गाउँपालिका–३ का २३ वर्षीय अर्जुन थापा मगरले भोलिपल्टै हत्या गरेका छन् । 

ZenTravel

मकवानपुरकी २० वर्षीया अनिशालाई बिहे गरेकै भोलिपल्ट हत्या गरी घटनाको ढाकछोप गर्न प्रयोग गरिएको शौचालयको खाल्डोमा लुकाएका थिए । खाल्डो छोप्ने ढक्कन निकै ठूलो भएकोले अर्जुनले शव लुकाउन ढक्कन उठाउन काका ३२ वर्षीय छवि थापा र आफन्त ४७ वर्षीय इन्द्रबहादुर थापालाई समेत प्रयोग गरेका थिए ।

Meroghar


मंसिर १० गते दिउँसोसम्म नयाँ दुलही अनिशालाई देखेका छिमेकीले ११ गते बिहान भने घरमा नदेखेपछि उनीहरुले अर्जुनलाई सोध्दा माइतीघर गएकी भनेर टारेका थिए ।छिमेकीले घटनाबारे शंका गरेपछि प्रहरीलाई खबर गरेका थिए । गाउँलेले नै थाहा पाएपछि घटना बारे प्रहरीलाई सूचना दिइएको सिद्धलेक ३ का अध्यक्ष देवबहादुर पुलामीले बताए ।

गाउँलेहरुको सूचनाका आधारमा प्रहरीले अनिशाका श्रीमान् अर्जुन थापा मगर, उनका काका ३२ वर्षीय छवि थापा मगर ४७ वर्षीय इन्द्र थापा मगरलाई पक्राउ गरेको छ ।

प्रारम्भिक अनुसन्धानबाट घटना हत्या भएकोले तीन जनालाई अनुसन्धानपछि कर्तव्य जान मुद्दा चलाइने जिल्ला प्रहरी कार्यालयका सूचना अधिकारी एवं डीएसपी रुपक खड्काले जनाएका छन् ।

प्रकाशित : मंसिर २८, २०७६ २०:२६
ADVERTISEMENT
प्रतिक्रिया
पठाउनुहोस्
ADVERTISEMENT

साताका ७ उत्कृष्ट तस्बिर

कान्तिपुर संवाददाता

काठमाडौँ — किरात समुदायले उधौली पर्व मनाएका छन् । उनीहरुले सामूहिक पूजाआजासहित नाचगान गरेर उधौली मनाएका छन् । यो साता इकान्तिपुरमा सांस्कृतिक,दैनिक जीवन,बालबालिकासँग सम्बन्धित तस्बिरहरुले प्राथमिकता पाए । पोखराको फेवा तालमा डुंगा सयरमा रमाउँदै गरेका पर्यटकहरु,साग समापनको क्रममा घर फर्कने क्रममा झ्यालबाट बसमा छिर्दै गरेका यात्रुहरुको तस्बिर पनि छापिए । यस्तै, त्रिभुवन विमानस्थलको परिसरमा आन्तरिक पार्किङ वेमा राखिका जहाज, उपत्यका लगायत मुलुकका विभिन्न स्थानमा परेको हल्का वर्षात् पछिको जनजीवनसँग सम्बन्धित तस्बिर पनि रुचाइए । 

काठमाडौं उपत्यकामा बसोबास गर्दै आएका किरात समुदाय उधौली पर्व अवसरमा ललितपुरको सुनाकोठीमा नाच गान गरेर मनाउँदै । किराती जातिभित्रका लिम्बू, याक्खा, कोइाच (सुनुवार) र राईले सामूहिक पूजाआजासहित नाचगान गरेर ढोल, झ्याम्टा, च्याब्रुङलगायत बाजा बजाउँदै हातमा चमर, सेउली हल्लाउँदै महिला र पुरुषहरू पंक्तिबद्ध भएर नाच्नदै धुमधामका साथ यो पर्व मनाउँछन् । तस्बिरः अंगद ढकाल

त्रिभुवन अन्तर्राष्ट्रिय विमानस्थल परिसरको आन्तरिक पार्किङ वे मा राखिएको जहाजहरु । तस्बिरः दीपक केसी । 

१३ औँ सागको अन्तिम दिन काठमाडौं उपत्यकामा जोर बिजोर प्रणाली लागू भएपछि साँझ घर फर्किने बेला सार्वजनिक बसको झ्यालबाटै छिर्दै यात्रु । तस्बिरः कबिन अधिकारी

पर्यटकीय नगरी पोखराको फेवा तालमा डुंगा सयरमा रमाउँदै पर्यटकहरु । तस्बिरः दीपक केसी

ललितपुरको गोदावरीमा आफ्नो बच्चालाई पछाडि बोकेर दाउराको भारी लिएर घर फर्कदै महिला । तस्बिरः प्रथम बिष्ट

भक्तपुरको ठिमीमा गुच्चा खेल्दै स्कुले बालक तथा युवा । तस्बिरः प्रथम बिष्ट


प्रकाशित : मंसिर २८, २०७६ २०:२३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×