विमानस्थल २१ घण्टा सञ्चालन छिट्टै

जीर्णोद्धार छ महिनाअघि नै सकिँदै
सुरज कुँवर

काठमाडौँ — त्रिभुवन अन्तर्राष्ट्रिय विमानस्थल (टीआईए) को धावनमार्ग रिह्याबिलिटेसन (जीर्णोद्धार) को दोस्रो चरण तोकिएको समयभन्दा करिब ६ महिनाअघि सकिने भएको छ । जीर्णोद्धारको काम सक्ने म्याद आगामी मेसम्म रहे पनि तीन साताभित्रमै पूरा हुने नेपाल नागरिक उड्डयन प्राधिकरण मातहतको हवाई यातायात क्षमता अभिवृद्धि आयोजनाका एक इन्जिनियरले बताए ।

ZenTravel

काम सकिनासाथ धावनमार्ग चौबीसै घण्टा सञ्चालन गर्न सकिने हुनेछ । तर प्राधिकरणले २१ घण्टा विमानस्थल सञ्चालन गर्ने तयारी गरेको छ । अहिले राति साढे ११ देखि बिहान साढे ६ बजेसम्म नोटाम जारी गरेर विमानस्थलमा आवागमन रोकिएको छ । चिनियाँ ठेकेदार कम्पनी चाइना नेसनल एरो टेक्नोलोजी इन्टरनेसनल इन्जिनियरिङ कर्पोरेसनले धावनमार्गसहित ट्याक्सी–वे, ड्रेनलगायत भौतिक निर्माणको काम तीव्र गतिमा अघि बढाएको छ । ‘अब धावनमार्गको पिच भत्किने, ट्याक्सी–वे भास्सिनेलगायतका समस्या हुँदैन,’ प्राधिकरणका महानिर्देशक राजन पोखरेलले भने, ‘जनवरीदेखि विमानस्थल २१ घण्टा सञ्चालनमा ल्याउँछौं ।’ भ्रमण वर्ष २०२० लगायतलाई दृष्टिगत गरी ठेकेदार कम्पनीले द्रुतगतिमा काम गरेको उनले बताए ।

Meroghar

भौतिक काम अन्तिम चरणमा पुगेको, ट्याक्सी–वे र धावनमार्गको छेउछाउमा बत्ती राख्न मात्रै बाँकी रहेको महानिर्देशक पोखरेलले बताए । ४० वर्षदेखि मर्मतसम्भार नगरेको धावनमार्ग जीर्णोद्धार गर्न चिनियाँ ठेकेदार कम्पनीले गत चैतमा जिम्मा पाएको थियो । पहिलो चरणमा काम भएकाले चैत ११ देखि असार १६ सम्म राति १० देखि बिहान ८ बजेसम्म (१० घण्टा) धावनमार्गमा आवागमन रोकिएको थियो । त्यसताका उसले ३ हजार ५० मिटर लामो धावनमार्ग झन्डै २० सेन्टिमिटर खनेर उच्च गुणस्तरको बिटुमिन राखेको थियो । दोस्रो चरणको काम वर्षा सकिएपछि भदौ १५ मा सुरु भएको हो ।

परियोजनामा नेपाल सरकारकै स्रोतबाट विनियोजित ३ अर्ब ७८ करोड रुपैयाँ बजेट थियो । यसमा दोस्रो चरणमा थपिएको लाइट जडान आदिको रकम समावेश छैन । अब धावनमार्ग कम्तीमा २० वर्षसम्म सञ्चालन गर्न सकिने प्राधिकरणले बताएको छ ।

प्रकाशित : मंसिर २५, २०७६ २१:४३
ADVERTISEMENT
ADVERTISEMENT
प्रतिक्रिया
पठाउनुहोस्

नम्बर १ हिरोइन को ?

कान्तिपुर संवाददाता

काठमाडौँ — स्वस्तिमा खड्का, वर्षा राउत, सृष्टि श्रेष्ठ, साम्राज्ञी शाह र प्रियंका कार्की अहिलेका चलेका अभिनेत्रीमा पर्छन् । पछिल्ला वर्षहरुमा केकी अधिकारी र नम्रता श्रेष्ठसँगै यिनै अभिनेत्रीहरुको बोलबाला छ ।

अब भने यीमध्ये को नम्बर एक भन्ने प्रतिस्पर्धा हुने भएको छ, कामनाले गर्ने फिल्म अवार्डमा। कामनाले ३२ विधामा दिने अवार्डमध्ये एउटा लोकप्रिय अभिनेत्रीको हुने र यसमा यी पाँच जना मनिनत भएको जनाएको छ। दर्शकको मतका आधारमा यसको छिनोफानो हुने पनि आयोजकले जनाएको छ। अवार्ड पुस १९ गते काठमाडौंमा हुँदैछ।


प्रकाशित : मंसिर २५, २०७६ २१:३५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×