खेलाडीलाई कति रकम : सरकारी पदाधिकारी नै द्विविधामा [सुन्नुहोस् अडियो]

प्रेस सल्लाहकार भन्छन्– गौरिकाले ६५ लाख पाउनेछिन्
खेलकुदमन्त्री भन्छन्– स्वर्णको जम्मा ११ लाख, त्यत्रो राज्यले धान्न सक्दैन
सदस्य सचिव भन्छन्– गौरिकालाई एउटा स्वर्णको ११ लाख 
जयसिंह महरा, गोविन्द पोखरेल

काठमाडौँ — बुधबार प्रधानमन्त्री केपी शर्मा ओलीले प्रधानमन्त्री निवास बालुवाटारमा गरेको घोषणा अनुसार १३ औं सागका पदक विजेतालाई दिने रकमबारे सरकारी अधिकारीहरु नै अस्पष्ट देखिएका छन् । व्यक्तिगत तर्फ स्वर्ण जित्नेलाई जनही ९ लाख रुपैयाँ दिने घोषणा भए पनि दुई वा दुईभन्दा बढी पदक विजेतालाई दिने रकममा उनीहरूबीच द्विविधा देखिएको हो । 

ZenTravel

प्रधानमन्त्रीका प्रेस सल्लाहकार सूर्य थापाले इकान्तिपुरसँग कुरा गर्दै दुई वा दुईभन्दा बढी स्वर्ण जित्ने खेलाडीले प्रत्येक पदकको ११ लाख रुपैयाँ पाउने बताए। ‘दुईभन्दा धेरै जित्नेले प्रत्येक स्वर्णको ११ लाख पाउने हो। ४ स्वर्ण,२ रजत र ३ कास्यसमेत गरी गौरिका सिंहले मात्रै ६५ लाख पाउनेछिन्,’ थापाले भने।
राष्ट्रिय खेलकुद परिषद्का सदस्यसचिव रमेश सिलवालले पनि गौरिकाले प्रत्येक स्वर्णको ११ लाख रुपैयाँ पाउने बताए। ‘जम्मा कति हुन्छ, कार्यविधि बनाएपछि हिसाब हुन्छ। अहिलेका लागि दुईभन्दा बढी स्वर्ण जित्नेलाई प्रत्येक स्वर्णको ११ लाख रुपैयाँ दिने भनेर प्रधानमन्त्रीज्यूले घोषणा गर्नुभएको हो,’ सिलवालले भने।

प्रधानमन्त्रीको सचिवालयले जारी गरेको प्रेस विज्ञप्तिमा पनि दुईभन्दा बढी स्वर्ण पदक विजेतालाई प्रति स्वर्ण ११ लाखका दरले पुरस्कार दिने प्रधानमन्त्रीले घोषणा गरेको उल्लेख गरिएको छ । विज्ञप्तिमा भनिएको छ, 'प्रधानमन्त्रीले सागमा स्वर्ण पदक विजेता खेलाडीहरुलाई ९ लाख, रजत पदक विजेतालाई ६ लाख र कास्य पदक विजेतालाई ३ लाख रुपैयाँ पुरस्कार दिने प्रधानमन्त्रीले घोषणा गर्नुभयो । यस्तै दुईभन्दा बढी स्वर्ण पदक विजेतालाई प्रति स्वर्ण ११ लाखका दरले पुरस्कार दिने प्रधानमन्त्रीले घोषणा गर्नुभयो । समूह इभेन्टमा स्वर्ण पदक विजेता खेलाडीलाई पााच पााच लाख रुपैयाा पुरस्कार दिने प्रधानमन्त्री ओलीले घोषणा गर्नुभयो ।'

तर, खेलकुदमन्त्री जगतबहादुर विश्वकर्मा भने सल्लाहकार थापाले गलत बुझेको बताउँछन्। ‘त्यस्तो होइन, दुई वा त्यसभन्दा बढी स्वर्ण जित्नेले स्वर्णको जम्मा ११ लाख पाउने हो,’ उनले भने। ‘प्रधानमन्त्रीज्यूले घोषणा गर्दा म पनि त्यहीँ थिएँ, त्यति धेरै रकम राज्यले धान्न सक्दैन,’ उनले भने, ‘हामीले सुनेर धारणा बनाउँदा कहिलेकाहीँ गलत हुनसक्छ, मैले बुझेको चाहिँ प्रति स्वर्ण ९ लाख, एक भन्दा बढी स्वर्ण जित्नेलाई ११ लाख दिने भनेको हो। गौरिकाले ११ लाख पाउने हुन्,’ मन्त्री विश्वकर्माले भने।
उनले खेलकुद मन्त्रालयले मन्त्रिपरिषद्मा प्रस्ताव लगेपछि कार्यविधि बनाएर टुंगो लगाइने पनि बताए।


प्रकाशित : मंसिर २५, २०७६ १७:५९
ADVERTISEMENT
प्रतिक्रिया
पठाउनुहोस्
ADVERTISEMENT

गौरिकाले ५६ लाख पाउने !

विनोद पाण्डे

काठमाडौँ — प्रधानमन्त्री केपी ओलीले १३ औं सागमा पदक विजेता खेलाडीलाई नगद पुरस्कार दिने घोषणा गरेसँगै सागमा नेपालका लागि सर्वाधिक स्वर्ण जित्ने गौरिका सिंहले पुरस्कार पनि सबभन्दा धेरै पाउने भएकी छन् ।

बुधबार बालुवाटारमा प्रधानमन्त्रीले गरेको घोषणामा सागमा दुई वा दुईभन्दा बढी स्वर्ण जित्नेलाई जनही ११ लाख पुरस्कार दिने घोषणा गरे। यस हिसाबले सागमा ४ स्वर्ण जित्ने गौरिका सिंहले ४४ लाख पाउने छिन्।

प्रधानमन्त्रीको सचिवालयले जारी गरेको प्रेस विज्ञप्तिमा पनि दुईभन्दा बढी स्वर्ण पदक विजेतालाई प्रति स्वर्ण ११ लाखका दरले पुरस्कार दिने प्रधानमन्त्रीले घोषणा गरेको उल्लेख गरिएको छ । विज्ञप्तिमा भनिएको छ, 'प्रधानमन्त्रीले सागमा स्वर्ण पदक विजेता खेलाडीहरुलाई ९ लाख, रजत पदक विजेतालाई ६ लाख र कास्य पदक विजेतालाई ३ लाख रुपैयाँ पुरस्कार दिने प्रधानमन्त्रीले घोषणा गर्नुभयो । यस्तै दुईभन्दा बढी स्वर्ण पदक विजेतालाई प्रति स्वर्ण ११ लाखका दरले पुरस्कार दिने प्रधानमन्त्रीले घोषणा गर्नुभयो । समूह इभेन्टमा स्वर्ण पदक विजेता खेलाडीलाई पााच पााच लाख रुपैयाा पुरस्कार दिने प्रधानमन्त्री ओलीले घोषणा गर्नुभयो ।'

यस्तै, रजत जित्नेलाई ६ लाख घोषणा गरिएअनुसार २ रजत जितेकी गौरिकाले थप १२ लाख पाउनेछिन्। यसरी हेर्दा उनले कम्तिमा ५६ लाख पाउने छिन्। 'गाैरिकाले चार स्वर्ण जितेकाले उनले एक स्वर्ण बराबर ११ लाख पाउनेछिन्,' प्रधानमन्त्रीका प्रेस सल्लाहकार सूर्य थापाले भने। व्यक्तिगत तर्फ कांस्य जित्नेलाई ३ लाख दिने घोषणा गरिए पनि टिम इभेन्टमा जित्नेलाई कति दिने खुलाइएको छैन। यसमा पनि पुरस्कार दिइए गौरिकाले पाउने पुरस्कार रकम अझै बढ्नेछ।

प्रधानमन्त्रीले गरेको घोषणा अनुसार व्यक्तिगत तर्फ स्वर्ण जित्नेले जनही ९ लाख र टिम इभेन्टमा जित्नेले ५ लाख पाउनेछन्।

प्रकाशित : मंसिर २५, २०७६ १६:५२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×