स्वर्ण जित्ने खेलाडीलाई २५ लाख दिन तरुण दलको माग

तरुण दलका अध्यक्ष जितजंग बस्नेतले स्वर्ण जित्नेलाई २५ लाख, रजत जित्नेलाई १५ लाख र कांस्य जित्नेलाई १० लाखका दरले पुरस्कारको व्यवस्था गरी खेलाडी र खेलप्रति सम्मान गर्न सरकार र खेलकुद परिषद्लाई आग्रह गरेका छन् ।

अध्यक्ष बस्नेतले जारी गरेको विज्ञप्तिमा देशको इज्जत बचाउन महत्वपूर्ण योगदान पुर्‍याएकोमा धन्यवाद स्वरुप पुरस्कृत गर्नुपर्ने उल्लेख छ ।

१३‍‍ औँ सागको आयोजना गरेको नेपाल ५१ स्वर्ण, ६० रजत र ९५ कांस्य पदक जित्दै दोस्रो भएको थियो ।

बस्नेतले साग आयोजना गर्दा युवा तथा खेलकुद मन्त्रालय र राष्ट्रिय खेलकुद परिषद्ले भ्रष्टाचार गरेको आरोपसमेत लगाएका छन् ।