कान्तिपुर वेबसाईट
AdvertisementAdvertisement

८ एसपी र २१ डीएसपीको काज सरुवा

कान्तिपुर संवाददाता

काठमाडौँ — प्रहरी प्रधान कार्यालयले ८ प्रहरी उपरीक्षक (एसपी) र २१ प्रहरी नायब उपरीक्षक (डीएसपी) को काज सरुवा गरेको छ ।

प्रहरी प्रधान कार्यालय कानुन शाखाका एसपी जनार्दन जीसीलाई स्याङ्जा, स्याङ्जाका राजकुमार लम्साललाई प्रहरी प्रधान कार्यालय, सर्लाहीका गोपालचन्द्र भट्टराईलाई प्रहरी प्रधान कार्यालय कानुन शाखा र प्रहरी प्रधान कार्यालय सुरक्षा सेवा व्यवस्थापन निर्देशनालयका विश्वमणि पोखरेललाई सर्लाहीमा सरुवा गरिएको प्रधान कार्यालयले जनाएको छ ।


त्यसैगरी महानगरीय ट्राफिक प्रहरी महाशाखाका एसपी रविकुमार पौडेललाई जिल्ला प्रहरी कार्यालय काभ्रे, काभ्रेका जयराज सापकोटालाई २ नं. प्रदेश प्रहरी कार्यालय जनकपुर, धादिङका एसपी राजकुमार बैदवारलाई महानगरीय ट्राफिक प्रहरी महाशाखा र कर्णाली प्रदेश प्रहरी कार्यालयका एसपी रवीन्द्र रेग्मीलाई धादिङमा काज सरुवा गरिएको छ ।

प्रकाशित : मंसिर २१, २०७६ १९:४१
प्रतिक्रिया
पठाउनुहोस्

साताका ७ उत्कृष्ट तस्बिर

कान्तिपुर संवाददाता

काठमाडौँ — १३ औं दक्षिण एसियाली खेलकुद (साग) आइतबारदेखि सुरु भएको छ । काठमाडौं,पोखरा र जनकपुरमा सागका विभिन्न खेलहरु भइरहेका छन् ।यी सहरहरु खेलकुदमय बनेका छन् । यो साता कान्तिपुरमा खेलसँग सम्बन्धित तस्बिरहरुले प्राथिमकता पाए । जुन तस्बिर पाठकले अत्यन्तै रुचाए । त्यस्तै रुखमा चढेर नेपालको म्याच हेर्ने समर्थकको तस्बिर, पौडीको व्यक्तिगत स्पर्धामा नेपाललाई पहिलो स्वर्णपदक दिलाएपछि खुसी हुँदै गौरिका सिंहको तस्बिर पनि प्राथिमकतामा साथ छापिए ।

किर्तिपुरस्थित त्रिवि क्रिकेट मैदान बाहिरबाट रुखमा चढेर नेपालको म्याच हेर्दै समर्थकहरु । तस्बिर : बिजु महर्जन

१३ औं साग खेलको कराँतेको व्यक्तिगत काताको पुरुषतर्फ नेपालको लागि पहिलो स्वर्ण जितेपछि उत्साहित हुँदै मण्डेकाजी श्रेष्ठ । उनले पाकिस्तानका नियमातुल्हालाई फाइनलमा हराउँदै नेपाललाई पहिलो स्वर्ण दिलाएका हुन् । तस्बिरः हेमन्त श्रेष्ठ

१३ औं साग अन्तर्गत पुरुष ५ हजार मिटर दौडमा विपक्षीलाई पछि पार्दै दौड पुरा गर्दै गोपीचन्द पार्की । उनले निर्धारित दूरी १४ मिनेट ५४.२० सेकेन्डमा पार गर्दै स्वर्ण पदकलाई आफ्नो पोल्टोमा पार्न सफल भए । तस्बिरः केशव थापा

नेपालका वीरबहादुर महरा तेक्वान्दोको पुरुष ६८ केजी मुनिको समूह अन्तर्गत विपक्षी खेलाडी पाकिस्तानका मोहम्मद फहिमलाई किक प्रहार गर्दै । तस्बिरः इलिट जोशी

पौडीको व्यक्तिगत स्पर्धामा नेपाललाई पहिलो स्वर्णपदक दिलाएपछि खुसी हुँदै गौरिका सिंह । तस्बिरः हेमन्त श्रेष्ठ

जनकपुरस्थित कुर्था रेल्वे स्टेसन नजिकैको जमेको पानीमा जाल हान्दै स्थानीय राम चलितर महासेठ । उनी किसान हुन् तर समय निकालेर बेला बेला माछा मर्ने पनि गर्दछन् । तस्बिरः अंगद ढकाल


प्रकाशित : मंसिर २१, २०७६ १९:२१
पूरा पढ्नुहोस्
प्रतिक्रिया
पठाउनुहोस्
×