कान्तिपुर वेबसाईट
AdvertisementAdvertisement

अन्तर्घात गर्नेलाई कारबाही हुन्छ : देउवा

माधव ढुंगाना

भैरहवा — कांग्रेस सभापति एवं पूर्वप्रधानमन्त्री शेरबहादुर देउवाले पाटीभित्र अन्तर्घात गर्नेलाई कारबाही गर्ने बताएका छन् ।

पार्टीको सिद्धार्थनगर समितिको दोस्रो नगर भेला तथा साइकल/ह्विल चेयर वितरण समारोहमा सभापति देउवाले पार्टीभित्र अन्तर्घात गर्नेलाई कारबाहीको दायरामा ल्याउने बताएका हुन् ।


‘पार्टीभित्रैबाट विद्रोही उम्मेदवार बन्ने, विद्रोही उमेदवारको प्रस्तावक र समर्थक बनेर पार्टीलाई गर्ने’ देउवाले भने, ‘यस्ता कार्यकर्तालाई कारबाही नगर्दासम्म पार्टीभित्र अन्तर्घातको खेल भविष्यसम्म रहिरहन्छ । यो पार्टीभित्रको डरलाग्दो रोग हो । यसलाई निर्मूल पार्नुपर्छ ।’


पार्टीभित्रै बसिरहने र अन्तर्घात गरेर निर्वाचन हराउने प्रवृत्ति खतरनाक रहेको देउवाको भनाइ छ । हालै सम्पन्न उपनिर्वाचनको परिणामबारे २६ मंसिरमा बोलाइएको केन्द्रीय कार्यासमिति बैठकमा समिक्षा गरिने देउवाले बताए ।


कांग्रेस सिद्धार्थनगर नगर समितिले नगरका पाँचजना अपांगलाई ह्विल चेयर र ४४ जना गरिब तथा जेहेन्दार विद्यार्थीलाई साइकल वितरण गरेको थियो ।

प्रकाशित : मंसिर २१, २०७६ १५:३६
प्रतिक्रिया
पठाउनुहोस्

अस्ट्रेलियामा नेपाली विद्यार्थीको मृत्यु

नारायण खड्का

अस्ट्रेलिया — अस्ट्रेलियाको भिक्टोरिया राज्यस्थित मेलबर्नमा एक नेपाली बिद्यार्थीको मृत्यु भएको छ । तनहुँको गुढांदी घर भएका दीपेन्द्र खनाल आफू बस्ने घरको बाथरुममा मृत फेला परेका थिए । करिब ११ वर्षअघि विद्यार्थी भिसामा अस्ट्रेलिया आएका उनले केही समय पहिले प्रोटेक्सन भिसाको आवेदन दिएका थिए ।

अहिले पनि उनी यसैको कानुनी प्रक्रियामा रहेको आफन्तले जानकारी दिए । साथीहरुसँग बस्ने उनी बाथरुममा झुण्डिएको अवस्थामा फेला परेका थिए । उनको मृत शरीरलाई प्रहरीले अनुसन्धानका लागि नियन्त्रणमा लिएर पोष्टमार्टम गर्न लगेको बताइएको छ ।

सन २००८ मा विद्यार्थी भिसा कुकरी अध्ययनका लागि अस्ट्रेलिया आएका थिए । उनका आफन्तहरुले उनी केही महिनादेखि कम सम्पर्कमा रहने गरेका बताएका छन् ।

घटनाबारे नेपाली दूतावासले जानकारी पाएको र आफन्तलाई आवश्यक सहयोग पुर्‍याइरहेको उपनियोग प्रमुख द्रुपदा सापकोटाले जानकारी दिइन् ।

पछिल्लो समयमा यस्ता दुःखद घटना भइरहेकाले यस्ता घटना कम गर्न आवश्यक कार्यक्रमहरु आवश्यक भएको उनले बताइन् । दूतावासले मृतकका आफन्तहरुका साथै एनआरएन लगायतका संस्थाहरुसँग मिलेर सहयोगका लागि कामहरु गरिरहेको बताएको छ ।

एनआरएन अस्ट्रेलियाका अध्यक्ष केशव कंडेलले घटना दुःखद भएको र उनको शवलाई नेपाल पठाउनका लागि आवश्यक पहल तथा सहयोग गरिरहेको जानकारी दिए । कंडेलले परिवारको आग्रहमा उनको शवलाई प्रहरीको अनुसन्धानपछि अन्तिम संस्कारका लागि नेपाल पठाउन परिवार, वाणिज्य दूतावास तथा दूतावासको सहकार्यमा काम भइरहेको बताए ।

प्रकाशित : मंसिर २१, २०७६ १५:०९
पूरा पढ्नुहोस्
प्रतिक्रिया
पठाउनुहोस्
×