‘सिद्धबाबा’लाई ७ दिन हिरासतमा राख्न म्याद थप
सुनसरी — बलात्कारको आरोप लागेका ‘सिद्धबाबा’ भनिने कृष्णदास गिरीलाई प्रहरीले शुक्रबार जिल्ला अदालत सुनसरीबाट ७ दिनको म्याद थप गरी अनुसन्धान जारी राखेको छ । यसअघि प्रहरीले अदालतबाट ४ दिनको म्याद थप गराएर अनुसन्धान थालेको थियो ।
आफ्नै अनुयायीमाथि बलात्कार गरेको आरोपमा उनलाई मंसिर १६ गते प्रहरीले पक्राउ गरेको थियो । बलात्कार आरोपमा उजुरी परेपछि सुनसरीको चतराधाममा रहेका गिरी बिसन्चो भएको भन्दै विराटनगरस्थित विराट नर्सिङहोममा भर्ना भएका थिए ।
सुनसरी, बराहक्षेत्रको चतरास्थित रामानन्दाचार्य सेवा पीठका संरक्षकका रुपमा गिरीले कार्य गर्दै आएका छन् । पीडित भनिएकी महिलाले गत कार्त्तिक ४ गते आफूलाई जबरजस्तीकरणी गरेको भन्दै उजुरी दिएकी थिइन् ।
प्रतिक्रिया