गण्डकी मेडिकल कलेजमा परीक्षा बहिष्कार गर्ने ८ विद्यार्थी पक्राउ  - समाचार - कान्तिपुर समाचार
कान्तिपुर वेबसाईट
AdvertisementAdvertisement

गण्डकी मेडिकल कलेजमा परीक्षा बहिष्कार गर्ने ८ विद्यार्थी पक्राउ  

लालप्रसाद शर्मा

पोखरा — बढी लिएको शुल्क फिर्ता गर्नुपर्ने भन्दै आन्दोलनरत गण्डकी मेडिकल कलेजका विद्यार्थीले बिहीबारदेखि सुरु एमबीबीएस पहिलो वर्षको परीक्षा बहिष्कार गरेपछि प्रहरीले ८ जना विद्यार्थीलाई पक्राउ गरेको छ । 

परीक्षा सुरु हुनुअघि बिहान १० बजेतिर परीक्षा केन्द्रमा गएका विद्यार्थीले लगत्तै बहिष्कार भन्दै बाहिर निस्केका थिए । ‘परीक्षा सुरु भएपछि कलेज प्रशासनले ४ विद्यार्थीलाई थुनेपछि छुटाउने जाँदा प्रहरीले धरपकड गरी लाठीचार्ज र पक्राउ गर्‍यो’ एक विद्यार्थीले भने, ‘डाँडाको नाक प्रहरी चौकीका प्रमुखसँग कुरा गर्न जाँदा पनि साथीहरुलाई समात्ने काम भयो ।’


कास्की प्रहरी प्रमुख एसपी दानबहादुर कार्कीले कानुन विपरीत काम गर्नेलाई पक्राउ गरिएको बताए । उनीहरु विद्यार्थी हुन् वा होइनन् भन्ने छानबिन भइरहेको एसपी कार्कीले बताए ।


एमबीबीएस पहिलो र दोस्रो वर्षमा उठाइएको गैरकानुनी शुल्क फिर्ता गर्न मंसिर १० मा शिक्षा मन्त्रालय र मेडिकल कलेज सञ्चालकबीच सहमति भएको थियो । तर त्यो अपुरो रहेको भन्दै विद्यार्थीले अस्वीकार गर्दै आन्दोलन जारी रहेको बताएका छन् ।


विद्यार्थीले आन्दोलनककै दौरान परीक्षा बहिष्कार गरेका हुन् । एक विद्यार्थीले बिहीबारको प्रश्नपत्र सुरुमै बाहिरिएको दाबी गरेका छन् ।

प्रकाशित : मंसिर १९, २०७६ १५:४८
प्रतिक्रिया
पठाउनुहोस्

दशौं दिनमा प्रधानमन्त्री ओली डिस्चार्ज

कान्तिपुर संवाददाता

काठमाडौँ — स्वास्थ्यमा सुधार आएपछि प्रधानमन्त्री केपी शर्मा ओलीलाई अस्पतालले डिस्चार्ज गरेको छ । मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचाररत ओलीलाई अस्पतालले बिहीबार डिस्चार्ज गरेको हो । 

उनलाई दिउँसो ३ : ४५ बजे अस्पतालले डिस्चार्ज गरेको प्रधानमन्त्रीका प्रेस सल्लाहकार सूर्य थापाले जानकारी दिए । अस्पतालले डिस्चार्ज गरेपछि प्रधानमन्त्री ओली बालुवाटार निवासमै आराम गर्ने भएका छन् । ओलीको उपचारमा संलग्न चिकित्सकले केही दिन अस्पतालमै राख्ने सोच बनाए पनि उनले निवासमै गएर आराम गर्ने चाहना व्यक्त गरेपछि चिकित्सकहरुले डिस्चार्ज गर्ने निर्णय गरेको अस्पताल स्रोतले बतायो ।

ओली डिस्चार्ज हुनुअघि राष्ट्रपति विद्यादेवी भण्डारीले अस्पताल पुगेर उनको स्वास्थ्य अवस्थाबारे बुझेकी थिइन् । भेटमा राष्ट्रपति भण्डारी र प्रधानमन्त्री ओलीबीच करिब आधा घण्टा कुराकानी भएको थियो । राष्ट्रपति भण्डारी केही दिन पहिला पनि प्रधानमन्त्रीलाई भेट्न अस्पताल पुगेकी थिइन् ।
ओलीको मंसिर १० गते एपेन्डिसाइटिसको अप्रेसन गरिएको थियो ।

प्रकाशित : मंसिर १९, २०७६ १५:४८
पूरा पढ्नुहोस्
प्रतिक्रिया
पठाउनुहोस्
×