बागलुङ दुर्घटना : बेपत्ताको शव भेटियो

जिप खोलामा खसेपछि उद्धारमा खटिएका प्रहरीले एकजना बेपत्ता भएको पत्ता लगाएका थिए । शव पोस्टमार्टमका लागि पठाइएको प्रहरी नायब उपरीक्षक झविन्द्रप्रसाद भट्टराईले बताए । मंगलबार भएको दुर्घटनामा जिपमा सवार १४ जनाको मृत्यु भएको थियो । तीन घाइतेलाई उपचारार्थ सेनाको हेलिकप्टरबाट काठमाडौं पठाइएको थियो । मृतकहरूको घटनास्थलमै पोस्टमार्टम गरेर आफन्तलाई शव बुझाएपछि इस्मावासीले १२ जनाको सामूहिक दाहसंस्कार गरेका छन् । घटनामा मृत्यु भएका दुईजनाको शव भने जिल्ला बाहिरको भएकाले उतै पठाइएको हो ।