बागलुङमा जिप दुर्घटना : १४ को मृत्यु, १० जनाको सनाखत [अपडेट]

प्रकाश बराल

(बागलुङ) — बडीगाड गाउँपालिका ७ भिमगिठे नजिकै यात्रुबाहक जिप खस्दा मृत्यु भएका १४ जनामध्ये १० जनाको पहिचान भएको छ । ग १ ख ४२१९ नम्बरको जिप गुल्मी ईश्माबाट बागलुङको बुर्तिवाङ हुँदै निसीखोलाको देवीस्थानतर्फ जाँदै गर्दा खोलामा खसेको प्रहरी नायव उपरीक्षक झबिन्द्रप्रसाद भट्टराईले बताए । जिप मंगलबार बिहान मध्यपहाडी लोकमार्गको भिमगिठे नजिकैको भीरबाट बडीगाड खोलामा खसेको हो । जिपमा १८ जना सवार थिए ।

ZenTravel

बढी भार र तीव्रगतिका कारण दुर्घटना भएको प्रहरीको प्रारम्भिक अनुमान छ । जिपका सवार सबै देवीस्थानमा कुलपूजामा जान लागेका थिए । घटनास्थलमा ईलाका प्रहरी कार्यालय बुर्तिवाङ, प्रहरी चौकी भिमगिठेका प्रहरी र स्थानीयले उद्धार जारी राखेका छन् । उद्धार गरिएकामध्ये ३ जनालाई नेपाली सेनाको हेलिकप्टरमार्फत उपचारका लागि काठमाडौं पठाइएको छ ।

Meroghar


मृतकका नामावली
गुल्मी इश्मा गाउँपालिका ४ का बसुन्धरा कार्की, सिता कार्की, माया थापा, भवी कार्की, भूमा कार्की, धनबहादुर कार्की, मिना बस्नेत
गुल्मी इश्मा गाउँपालिका ५ का रेशम थापा

त्यस्तै नवलपरासी जिल्ला बर्दघाट नगरपालिका २ की भूमा कार्की र बागलुङकै बडीगाड गाउँपालिका ७ की नरमाया खत्री छन् ।
४ जनाको सनाखत हुन बाँकी छ ।

घाइते हुनेहरुमा
बर्दघाट २ का १८ वर्षीय जीवन कार्की, इश्माका ८ वर्षीय हिमाल कार्की र २४ वर्षीय रेशमा कार्की छन् । बडीगाड खोलाले बगाएर १५ वर्षका धनबहादुर कार्की बेपत्ता भएको प्रहरीले बतायो ।

............

जिल्लामा यात्रुबाहक जीप दुर्घटना हुँदा १४ जनाको मृत्यु भएको छ । ३ घाइते भएका छन् । १ जना बेपत्ता छन् । घाइते र मृतकको पहिचान भएको छैन ।

ग १ ख ४२१९ नम्बरको जीप गुल्मीको ईश्माबाट बागलुङको बुर्तिवाङतर्फ जाँदै गर्दा खोलामा खसेको प्रहरी नायव उपरीक्षक झबिन्द्रप्रसाद भट्टराईले बताए। जीप मंगलबार बिहान मध्यपहाडी लोकमार्गको भिमगिठे नजिकैको भीरबाट बडिगाड खोलामा खसेको हो। जिपमा १८ जना सवार थिए।

बढी भार र तीव्रगतिले दुर्घटना भएको प्रहरीले प्रारम्भिक अनुमान गरेको छ। उक्त घटनास्थलमा अहिले ईलाका प्रहरी कार्यालय बुर्तिवाङ, प्रहरी चौकी भिमगिठेका प्रहरी र स्थानीयले उद्दार गरिरहेका छन्।

प्रकाशित : मंसिर १७, २०७६ ११:१५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

स्विडेनी राजाको शालीनता : नियमित उडानमा नयाँदिल्ली उत्रे

सुरेशराज न्यौपाने

(नयाँदिल्ली) — नेपाल, भारतलगायतका मुलुकमा उच्च ओहोदामा रहेका विशिष्टहरूले औपचारिक सम्मान खोज्नु सामान्य मानिन्छ । उच्च ओहोदामा रहेका व्यक्तिहरू सार्वजनिक भ्रमणमा जाँदा होस् कुनै पनि कार्यक्रममा तिनका सेवामा अघिपछि लामै लस्कर लाग्ने गर्छ ।

सामाजिक सञ्जाल र सञ्चारमाध्यमहरूमा देखिने त्यस्ता दृश्यका कारण ती विशिष्टहरू आलोचित पनि हुने गरेका छन् । अझ कतिपयले त आफूले भनेजस्तो सम्मान नपाएको भन्दै ती उच्च ओहोदामा रहेकाहरूले कर्मचारीहरूको सातो लिएका घटना पनि बाहिर आएका छन् ।

तर, सोमबार बिहान भारतको राजधानी नयाँदिल्लीको इन्दिरा गान्धी अन्तर्राष्ट्रिय विमानस्थलमा ओर्लेका स्विडेनका राजा कार्ल सोह्रौं गुस्ताफ फोल्क हुबर्टसले भने विशिष्ट पाहुना भएर पनि सरलता र शालीनताको उदाहरण पेस गरेका छन् । त्यसले सामाजिक सञ्जालहरूमा पनि निकै चर्चा बटुलेको छ । राजदम्पतीले देखाएको व्यवहारले अनावश्यक मानका खातिर मान खोज्ने प्रवृत्तिलाई गतिलो जवाफ दिएको ठानिएको छ । राजा कार्ल रानी सिल्भिया रेनेटका साथ भारतको पाँचदिने भ्रमणका लागि सोमबार नयाँदिल्ली आइपुगेका हुन् । यो राजा गुस्ताफको तेस्रो भारत भ्रमण हो । विशिष्ट पाहुनालाई विमानस्थलमा सांसद बाबुल सुप्रियोले स्वागत गरेका थिए । यतिखेर यिनै विशिष्ट पाहुनाका रूपमा भारत आएका राजदम्पतीको सरलताले सार्वजनिक सञ्जालमा निकै चर्चा बटुलेको छ ।

चर्चा नहोस् पनि कसरी? पहिलो त उनीहरूले आफ्नो कुनै विशेष चार्टर विमान रोजेनन् । उनीहरूले भारतको ध्वजाबाहक एअर इन्डियाको स्टकहोम–नयाँदिल्लीको नियमति उडान नै रोजे ।

एअर इन्डियाकी स्विडेनस्थित कन्ट्री म्यानेजर संगीता सन्यालले राजदम्पतीलाई जहाजबाट बाहिर निस्कनासाथ स्वागत गरेकी थिइन् । नयाँदिल्लीस्थित विमानस्थलमा ओर्ले पनि उनीहरूले स्वागतका नाममा गरिने तामझामहरू रोजेनन् । आमयात्रुझैं राजा गुस्ताफ सुटकेस र ब्याग आफैं बोकेर निस्के । त्यो दृश्यले त्यहाँ रहेका सबैलाई आश्चर्यमा पार्‍यो । राजदम्पती आफैं सामान डोर्‍याएर आफ्नो कारसम्म पुगे ।

एअर इन्डियाले ट्वीटरमार्फत् स्विडिस राजदम्पती आफैंले सामान डोर्‍याएका सार्वजनिक गरेपछि त्यसको चर्चा चुलिएको छ । कतिपयले ती तस्बिरमा टिप्पणी गर्दै स्विडिस राजदम्पतीले देखाएको आफ्नो सामान आफैं बोक्ने, कुनै भीआईपी स्वागत नखोज्ने संस्कार भारतका उच्च ओहोदा रहेकाहरूले कहिले सिक्ने हुन् भन्दै व्यंग्यसमेत गरेका छन् ।

अझै केहीले त राजादम्पतीले अर्काको मुलुकको हवाई कम्पनीबाट यात्रा गर्नुलाई प्रेरणादायी भन्दै आर्थिक मन्दीतर्फ मुलुक सोझिएका बेला भारतका राजनीतिज्ञले कहिल्यै यस किसिमको आर्थिक मितव्ययीता देखाउनु सक्दैनन् भनेर प्रश्नसमेत गरेका छन् ।

स्विडिस राजा गुस्ताफ आफ्नै देशमा आर्थिक मितव्ययीता र सरलताका लागि निकै लोकप्रिय मानिन्छन् । केही महिनाअघि मात्र राजा गुस्ताफले आफ्ना पाँचजना नाति तथा नातिनालाई राजपरिवारको सुविधाबाट वञ्चित गर्ने निर्णय गरेका थिए । स्विडेनमा राजसंस्था अझै पनि निकै लोकप्रिय रहनुमा यस किसिमका निर्णयहरूको महत्त्वपूर्ण भूमिका रहेको मानिन्छ ।

जेहोस्, आफ्नै छिमेकमा आएका विश्वकै सबैभन्दा सम्पन्न मुलुक स्विडेनका राजदम्पतीले देखाएको सरलता र शालीनताबाट नेपालका उच्च ओहोदामा रहेकाले पनि थोरै मात्र पनि अनुकरण गर्न सके जनताको नजरमा उनीहरूप्रतिको सम्मान पक्कै पनि बढ्ने थियो ।

प्रकाशित : मंसिर १७, २०७६ ११:०७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×