वामदेव गौतमको उपनिर्वाचनबारे प्रतिक्रिया -'राम्रो काम नगरे अर्को निर्वाचनमा सजाय भोग्छौं'

उपनिर्वाचनको परिणाम अनपेक्षित : नेता गौतम
कान्तिपुर संवाददाता

काठमाडौँ — सत्तारुढ नेकपाका सचिवालय सदस्य वामदेव गौतमले उपनिर्वाचन नेकपाका लागि अनपेक्षित भएको बताएका छन् । समग्रमा उपनिर्वाचनको परिणाम नेकपाको पक्षमा भएपनि गत निर्वाचनमा नेकपाले जितेको क्षेत्र भक्तपुर, धरान उपमहानगरपालिका र केही वडाध्यक्ष पद गुम्नु नेकपाका लागि सुखद् नभएको बताए ।

ZenTravel

‘समग्ररुपमा उपनिर्वाचनको परिणाम नेकपाकै पक्षमा छ। तर भक्तपुर, धरान उपमहानगरपालिका र केही वडाध्यक्षमा पहिला हामीले जितेका थियौं। अहिले ती ठाउँ गुमायौं,’ गौतमले कान्तिपुरसँग भने, ‘कांग्रेसले जितेको क्षेत्र खोस्नी र हामीले जितेको क्षेत्र जोगाउन सकेको भए उपनिर्वाचन नेकपाका लागि सुखद् हुन्थ्यो। त्यस अर्थमा उपनिर्वाचनको परिणाम अपेक्षाकृत भएन।’

Meroghar

विगतको निर्वाचनमा जित हासिल गरेका क्षेत्रमा उपनिर्वाचन जित्दैमा नेकपा खुसी हुन जरुरी नभएको पनि गौतमले बताए। उनले भने, ‘जो जसले जित्नु भएको छ, त्यसमा खुसी छौं। हामीसँग जे थियो त्यो प्राप्त गर्‍यौं भनेर खुसी हुन जरुरी छैन।’

आगामी दिनमा नेकपाले राम्रो काम नगरे अर्को निर्वाचनमा जनताले सजाय दिने गौतमको प्रतिक्रिया थियो। ‘हामीले आगामी दिनमा ठिक ढंगले काम गर्न सकेनौं भने अर्को निर्वाचनमा सजाय पाउँछौं भन्ने सन्देश उपनिर्वाचनको परिणामले दियो,’ गौतमले भने।

उपनिर्वाचनको नतिजापछि पार्टीले गम्भीर समीक्षा गर्ने पनि उनलेले बताए।

प्रकाशित : मंसिर १६, २०७६ १८:१०
प्रतिक्रिया
पठाउनुहोस्

हेर्नुहोस् अस्पतालबाट प्रधानमन्त्रीको भिडियो सन्देश

कान्तिपुर संवाददाता

काठमाडौँ — प्रधानमन्त्री केपी शर्मा ओलीले अस्पतालबाटै आफू स्वस्थ रहेको जानकारा दिएका छन् । मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचाररत प्रधानमन्त्री ओलीले सोमबार भिडियो सन्देशमार्फत आफ्नो स्वास्थ्य सुधार हुँदै गएको जानकारी दिएका हुन् ।

प्रधानमन्त्री ओलीको गत साता एपेन्डिसाइटिसको अप्रेसन गरिएको थियो। उनको सघन कक्षमा उपचार भइरहेको छ।

प्रकाशित : मंसिर १६, २०७६ १८:०७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×