बारागढी–१ मा चौधरी निर्वाचित

पवन यादव

सिमरा — बाराको बारागढी गाउँपालिकामा रिक्त रहेको वडा नं. १ को वडाध्यक्षको लागी भएको उपनिर्वाचनमा समाजवादी पार्टीका उम्मेदवार सुरेशप्रसाद चौधरी विजयी भएका छन् ।

ZenTravel

राति अबेर सम्पन्न मतगणना परिमाण अनुसार, उनले आफ्ना निकटतम प्रतिद्वन्द्वी नेकपाका उम्मेदवार शंकरप्रसाद चौधरीलाई ७७ मतले पराजित गर्दै वडाध्यक्षमा निर्वाचित भएको जिल्ला निर्वाचन कार्यालयका निमित्त जिल्ला निर्वाचन अधिकारी मनिषकुमार साहले जानकारी दिए ।

Meroghar

निर्वाचनमा उनले ७ सय ४९ मत प्राप्त गरी विजयी भएका हुन् । उनका निकटतम प्रतिद्वन्द्वी नेकपाका उम्मेदवार शंकरप्रसाद चौधरीले ६ सय ७२ र नेपाली कांग्रेसका उम्मेदवार तसविरिया थरुनीले ४ सय ७१ मत प्राप्त गरेका थिए ।
वडाध्यक्षको लागी शनिबार भएको उपनिर्वाचनमा ८२ दशमलव ६७ प्रतिशत मत खसेको जिल्ला निर्वाचन कार्यालयका निमित्त जिल्ला निर्वाचन अधिकारी साहले जानकारी दिए ।
उक्त वडाका लागी ३ वटा मतदान केन्द्र कायम गरी भएको निर्वाचनमा १९ सय ५६ जनाले मतदान गरेका थिए । जसमध्ये ९ सय २८ जना महिला र एक हजार २८ जना पुरुषले मतदान गरेको उनले जानकारी दिए । उक्त वडामा २ हजार ३ सय ६६ जना मतदाता थिए ।
वडाध्यक्ष नन्दलाल खाँ थारुको ब्रेन हेमरेज भएर गत वर्ष मंसिर १४ गते निधन भए पछि वडाध्यक्षको लागी उप निर्वाचन भएको हो । वडाध्यक्ष खाँ को निधन भएपछि वडासदस्य रामखेलावन चौधरीले कार्यसंचालन गर्दै आएका थिए । वडाध्यक्षको लागी भएको उपनिर्वाचनमा २ जना महिला र ७ जना पुरुष उम्मेदवार गरी ९ जना उम्मेदवारले प्रतिस्पर्धा गरेका थिए ।

निर्वाचित उम्मेदवार चौधरीलाई पद तथा गोपनियताको शपथ ग्रहण र प्रमाणपत्र वितरण गर्ने कार्यक्रम सोमबार गराउने तय गरिएको उनले जानकारी दिए ।

बदर मत प्रतिशत घट्यो
स्थानीय तहको निर्वाचनको तुलनामा उप निर्वाचनमा बदर मत प्रतिशत घटेको छ । उप निर्वाचनमा ० दशमलव ९२ प्रतिशत मत मात्र बदर भएको जिल्ला निर्वाचन कार्यालयका निमित्त जिल्ला निर्वाचन अधिकारी मनिष कुमार साहले जानकारी दिए । यसपाली १८ वटा मत मात्र बदर भएको उनले जानकारी दिए ।

यस अघिको स्थानीय तहको निर्वाचनमा ४ प्रतिशतको हाराहारीमा मत बदर भएको थियो । यसपाली एउटा मतपत्रमा एउटै व्यक्तीलाई मत दिनु पर्ने भएकोले मतदातालाई मतदान गर्न सजिलो भएको र मतदातालाई व्यापक मतदाता शिक्षा दिईएकोले मत बदर संख्या घटेको उनले दाबी गरे ।

प्रकाशित : मंसिर १५, २०७६ १४:४३
प्रतिक्रिया
पठाउनुहोस्
ADVERTISEMENT

थलिइन् १२१ वर्षीया

कान्तिपुर संवाददाता

डडेलधुरा — पटक पटक पनातीको छोरा समात्न खोज्छिन्, सक्दिनन् । आफैंलाई उठाएर भित्र–बाहिर गर्नुपर्ने उमेरमा पनि उनलाई पनातिका सन्तान खेलाउने रहर जाग्छ । कान सुन्दिनन्, आँखा राम्ररी देख्दिनन् । कसैले सार्वजनिक कार्यक्रममा लैजान खोज्यो भने उनको आँखामा देखिने उत्साह बेग्लै हुन्छ । समयसमयमा प्रमुख जिल्ला अधिकारीलगायतका जिल्लाका प्रमुख ब्यक्तिहरू भेट्न आउँछन् ।

केही वर्षअघिसम्म जिल्ला स्तरमा हुने राष्ट्रिय कार्यक्रममा उनलाई पनि अतिथिका रूपमा सकभर सहभागी गराइन्थ्यो । पहिलो संविधानसभा निर्वाचनमा १०९ वर्षको उमेरमा मतदान गरेर चर्चा पाएकी पार्वती खड्का १२१ वर्षको उमेरमा अहिले भने घरबाट बाहिर निस्कन नसक्ने अवस्थामा छिन् ।

उग्रतारा मन्दिरदेखि तीन किलोमिटर दुरीमा उग्रतारा–मेलौली राजमार्गसँगै जोडिएको डडेलधुराको अमरगढी नगरपालिका–६ मा पर्ने भजनेउटा गाउँकी खड्का दुई वर्षअघिसम्म राम्ररी कुरा गर्थिन् । शताब्दीअघिका धेरै घटना उनलाई स्मरण थिए । पछिल्लो समय भने उनको स्मरण शक्ति पनि कमजोर भएको छ । घरीघरी बच्चाजस्तो व्यवहार गर्छिन् । कुनै बेला पुराना कुरा सम्झने गर्छिन् । उग्रतारा–मेलौली राजमार्गमा ओहरदोहर गर्ने अधिकांश उनको घरमा पुग्छन् । ती वृद्ध आमाको दर्शन गर्छन् । पुराना कुरा सोध्छन् र आशीर्वाद लिएर फर्कने गर्छन् । लोकतन्त्र स्थापना भएको दिन २०६३ चैत ११ मा डडेलधुरामा भएको पहिलो विजय सभामा उनी प्रमुख अतिथि थिइन् । त्यसपछिका धेरै राष्ट्रिय कार्यक्रममा जिल्ला प्रशासन कार्यालय र तत्कालीन जिल्ला विकास समितिले पनि उनलाई नै प्रमुख अतिथि बनाउने गर्थे । १०९ वर्षको उमेरसम्म उनी सक्रिय थिइन् । त्यसपछि थला पर्दै गइन् । अहिले अधिकांश समय उनलाई चेतना हुँदैन ।

सामान्य चेत फर्कनेबित्तिकै पनातिको छोरालाई खोज्छिन । ‘अब धेरै कुरा स्मरण नै रहेनन् बज्यैलाई,’ ४० वर्ष पार गरिसकेका उनका नाति सुरेश खड्काले भने, ‘७/८ वर्ष भयो अब त भने दिसापिसाब गराउन पनि बोकेर लैजानुपर्छ ।’

प्रकाशित : मंसिर १५, २०७६ १२:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×