महिलाको स्तन काटी फरार 

एलिसा श्रेष्ठ

भोजपुर — भोजपुरको षडानन्द नगरपालिका–८ तुङ्गेछाको सेमेङमा अज्ञात समूहले एक महिलाको दुवै स्तन काटिदिएर फरार भएको छ ।

बुधबार दिउँसो करिब १ बजे स्थानीय खकुवाखोलामा कपडा धुन गएकी३० वर्षीया तीमहिलालाई मुखमा कालो पट्टि लगाएर आएका २ जनाले स्तन काटेर फरार भएको जिल्ला प्रहरी भोजपुरले जनाएको छ।

कपडा धोइरहेकी ती महिलालाई जबर्जस्ती नियन्त्रणमा लिएर स्तन काटेर फरार भएको जिल्ला प्रहरी कार्यालय भोजपुरका डीएसपी नरबहादुर सलामी मगरले बताए।

घाइतेको स्वास्थ्य चौकी दिङ्लामा उपचार हुन नसकेपछि थप उपचारका लागि वीपी कोइराला स्वास्थ्य विज्ञान प्रतिष्ठान धरान लगिएको छ।

घटनाबारे थप अनुसन्धानका गर्न जिल्ला प्रहरी कार्यालय भोजपुरको टोली घटनास्थनतर्फ लागेको छ।

प्रकाशित : मंसिर ४, २०७६ १९:४८
ADVERTISEMENT
प्रतिक्रिया
पठाउनुहोस्
ADVERTISEMENT

दुई सचिवको सरुवा

कान्तिपुर संवाददाता

काठमाडौँ — सरकारले दुई सचिवको सरुवा गरेको छ । मन्त्रिपरिषदको मंगलबार बसेको बैठकले उनीहरुको सरुवा गरेको हो ।

सरकारले प्रदेश नम्बर २ का प्रमुख सचिव दीपक सुवेदीलाई सञ्चार तथा सूचना प्रविधि मन्त्रालयको सचिवमा सरुवा गरेको छ ।

सञ्चार सचिव महेन्द्र गुरुङले ५८ वर्ष उमेर पुगी दुई साताअघि अनिवार्य अवकास पाएपछि मन्त्रालय प्रशासनिक नेतृत्व विहीन भएको थियो ।

यस्तै, प्रधानमन्त्री तथा मन्त्रिपरिषद कार्यालयको अतिरिक्त समूहमा रहेका सचिव रामकृष्ण सुवेदीलाई २ नं. प्रदेशको प्रमुख सचिवमा सरुवा गरेको छ । उनी हालै सचिवमा बढुवा भएका हुन् ।

प्रकाशित : मंसिर ४, २०७६ १९:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×