चिनियाँ लामामाथि छानबिन

संस्कृति, पर्यटन तथा नागरिक उड्डयन मन्त्रालयले सहसचिव रुद्रसिंह तामाङको संयोजकत्वमा छानबिन समिति गठन गरेको हो । समितिमा गृह, भूमि व्यवस्था, सहकारी तथा गरिबी निवारण मन्त्रालय, गुठी संस्थान र पुरातत्त्व विभागका प्रतिनिधि सदस्य छन् । संस्कृति मन्त्रालयद्वारा गठित बौद्धनाथ क्षेत्र विकास समितिको नेतृत्वमा विभिन्न संस्थाले चिनियाँ लामा भूपतिवज्र लामालाई बौद्ध क्षेत्र प्रवेशमै रोक लगाएपछि विवाद उत्पन्न भएको हो ।

ती संस्थाले चिनियाँ लामाको विरोधमा खड्गजित लामाको संयोजकत्वमा संघर्ष समिति गठन गरेका छन् । समितिले विरोधका क्रममा चिनियाँ लामालाई गुठी प्रवेशमा रोक लगाएको हो ।

संघर्ष समितिले चिनियाँ लामाको नागरिकता सम्बन्धमा समेत प्रश्न उठाएको छ । बौद्धनाथ क्षेत्र विकास समिति लगायतका संस्थाले चिनियाँ लामाको ठाउँमा पूर्णबहादुर लामालाई बौद्ध घ्याङ गुठीको पूजाआजा गर्ने जिम्मेवारीसमेत दिएका छन् ।