जेलरविरुद्ध भ्राष्टाचार मुद्दा
काठमाडौँ — गैरकानूनी सम्पत्तिआर्जन गरेको अभियोगमा अख्तियार दुरुपयोग अनुसन्धान आयोगले मकवानपुरको भीमफेदी कारागारका जेलर चिरञ्जिवी थापा विरुद्ध भ्रष्टाचारमुद्दा दायर गरेको छ ।
अख्तियारले थापा विरुद्ध एक करोड १३ लाख रुपैंया गैरकानूनी रुपमा आर्जन गरेको अभियोग लगाएको हो ।
२०४५ साल जेठ ४ गतेदेखि जागिर शुरु गरेका थापाले गत आर्थिक मसान्तसम्म आर्जन गरेको सम्पत्तिमा अनुसन्धान हुदा अस्वाभाविक आर्जन गरेको भेटिएको अख्तियारले जनाएको छ ।
अख्तियारले उनीसहित श्रीमती गोमा कट्टेल थापाको नाममा रहेको सम्पत्ति जफत हुनुपर्ने मागदाबी समेत गरेको छ ।
प्रतिक्रिया