नेकपाको सचिवालय बैठक बस्दै, मन्त्रिपरिषद् पुनर्गठनको विषयमा छलफल हुने सम्भावना

सचिवालयका अर्का एक नेताका अनुसार आजको बैठकमा मन्त्रिपरिषद् पुनर्गठन, नेताहरुको कार्यविभाजन, एकीकरणका बाँकी काम टुंग्याउने र स्थायी कमिटी बैठक बोलाउने लगाएतका विषयमा छलफल हुने छ ।

प्रधानमन्त्री एवं नेकपाका अध्यक्ष केपी शर्मा ओलीले केही दिनमै मन्त्रिपरिषद् पुनर्गठन गर्ने तयारी गरेका छन् । यसबारे अर्का अध्यक्ष पुष्पकमल दाहाल, वरिष्ठ नेता माधवकुमार नेपाल लगायतका शिर्ष नेतासँग पटक–पटक छलफल पनि गरिसकेका छन् ।

थप उपचारका लागि विदेश जाने सम्भावना बढेसँगै आफ्नो अनुपस्थितिमा सरकारको कामका लागि कार्यवाहक प्रधानमन्त्रीको जिम्मेवारी ईश्वर पोखरेल र पार्टी सञ्चालनको कार्यकारी जिम्मा अध्यक्ष दाहाललाई दिने तयारी उनले गरेको स्रोतले बताएको छ । आज हुने सचिवालय बैठक पनि विशेष गरेर त्यसै विषयमा केन्द्रित हुने स्रोतको दाबी छ ।

लामो समय देखि स्थायी समिति बैठक बस्न नसक्दा उपाध्यक्षमा प्रस्तावित बामदेव गौतमको पद पनि अनुमोदन भएको छैन । पार्टी विधान संशोधन गर्नका लागि पनि नेकपाले स्थायी कमिटी बैठक बोलाउन जरुरी छ ।