जंगली हात्तीको आक्रमणबाट बाबुछोराको मृत्यु
चितवन — भरतपुर माडी ठोरी हुलाकी सडकको चितवन निकुञ्जभित्र पर्ने अमुवा पोष्ट नजिकको जंगलमा शनिबार जंगली हात्तीले आक्रमण गर्दा दुई जनाको मृत्यु भएको छ । मृत्यु हुनेमा बाबुछोरा रहेका छन् ।
चितवन जिल्ला प्रहरी कार्यालयबाट प्राप्त विवरण अनुसार माडी कटेपछि आउने बगइ जंगलको देउराली भन्ने ठाउँमा जंगली हात्तीले उनीहरुलाई आक्रमण गरेको थियो ।
मृत्यु हुनेमा ६५ वर्षीय बाबुराम पौडेल र उनका ३५ वर्षीय छोरा राजु पौडेल रहेका छन् ।
माडी नगरपालिका–१ बरुवा बजार बस्ने उनीहरु लु ३१ प २९११ नम्बरको मोटरसाइकल चढेर बाँदरझुला गाउँ जाँदै थिए ।
माडीका स्थानीय सूर्य पाठकका अनुसार उनीहरु तिल किन्नका लागि बिहान आठ बजे माडीबाट हिँडेका थिए ।
प्रकाशित : कार्तिक ३०, २०७६ १४:२३प्रतिक्रिया
