नेपाली भूमिबाट भारतीय फौज तुरुन्त हटाउ : लोकतान्त्रिक पार्टी

नेपाली भूमिबाट भारतीय फौज तत्काल हटाउनुपर्ने, नेपालले पनि सीमा सुरक्षा बल राख्नुपर्ने, नेपालको नक्शा तुरुन्त सार्वजनिक गर्नुपर्ने लगायत माग राखी प्रधानमन्त्रीलाई ज्ञापन पत्र बुझाएको महासचिव देवबहादुर दुराले जानकारी दिए । उनका अनुसार सीमा सम्बन्धी तथ्यगत ऐतिहासिक दस्तावेज सार्वजनिक गर्न, भावीपुस्ताले सीमा सम्बन्धी विवाद कहिल्यै नभोग्ने गरी समाधन खोज्न र सरकारको तर्फबाट उच्चस्तरीय आयोग गठन गरी प्रभावकारी कूटनीतिक पहल गर्न माग राखिएको छ ।

उक्त पार्टीले नेपालको सीमाभित्र रहेको कालापानी, लिपुलेक, लिम्पियाधुरा क्षेत्रहरु सुगौली सन्धिपश्चात पनि नेपालकै भू–भाग रहेको प्रस्ट पारेको छ ।