बंगलादेशका राष्ट्रपति हमिद पोखरामा, केही समय फेवातालमा डुंगा सयर

दीपक परियार

पोखरा — बंगलादेशका राष्ट्रपति अब्दुल हमिद बिहीबार पर्यटकीय नगरी पोखरा पुगेकाछन् । राष्ट्रपति हमिद आज बिहान ११:४५ बजे नेपाली सेनाको हेलिकप्टरबाट पोखरा विमानस्थलमा झरेका थिए । 

पोखराको दृश्यावलोकन गर्न राष्ट्रपति हमिद पोखरा पुगेका हुन्। पोखरा विमानस्थलमा राष्ट्रपति हमिदलाई गण्डकी प्रदेशका प्रदेश प्रमुख, कार्यवाहक मुख्यमन्त्री, मन्त्री, जनप्रतिनिधि, सरकारी उच्चपदस्थ अधिकारीले स्वागत गरेका थिए।

राष्ट्रपति हमिदको सम्मानमा पोखरा महानगरपालिकाद्वारा झाँकी प्रदर्शन गरेको थियो। पोखरा विमानस्थलबाट फिस्टेल लजसम्म सर्वसाधारण, आमा समूह, नागरिक समाज, टोल विकास संस्थाका प्रतिनिधिले स्वागत गरेका थिए।

पोखरा भ्रमणका क्रममा राष्ट्रपति हमिदले फेवातालमा मोटरबोट चढेर जलविहार गरेका थिए। त्यसपछि उनी फेवातालकिनारास्थित फिस्टेल लजमा पुगेका छन्। उनी त्यहँ केही समय आराम गरेर नेपाली सेनाको हेलिकोप्टरबाट रुपा गाउँपालिकास्थित रुपाकोट रिसोर्ट पुगी त्यहाँबाट पर्यटकीय नगरी पोखराको दृश्यावलोकन गर्नेछन्। उनी हमिद आजै काठमाडौं फर्कने छन्।

राष्ट्रपति हमिदको भ्रमणलाई दृष्टिगत गरेर पोखरामा उच्च सुरक्षा व्यवस्था मिलाइएको जिल्ला प्रहरी कार्यालय कास्कीका प्रमुख प्रहरी उपरीक्षक दानबहादुर कार्कीले जानकारी दिए। सबै सुरक्षा निकायको समन्वयमा सुरक्षा व्यवस्थालाई प्रभावकारी बनाइएको उनले बताए।


प्रकाशित : कार्तिक २८, २०७६ १३:०४
ADVERTISEMENT
प्रतिक्रिया
पठाउनुहोस्

ट्रयाक्टरको ठक्करले बारामा १ को मृत्यु  

पवन यादव

सिमरा — हुलाकी राजमार्गअन्तर्गत कलैया–वीरगन्ज सडक खण्डको कलैया उपमहानगरपालिका २३ कोइरिया टोल नजिकै बिहीबार बिहान ट्रयाक्टरको ठक्करबाट १ युवकको मृत्यु भएको छ ।

वीरगन्जबाट कलैयातर्फ आउँदै गरेको ना ३ प ५१३७ नम्बरको मोटरसाइकललाई विपरीत दिशाको ना ७ त २६६ नम्बरको ट्रयाक्टरले ठक्कर दिँदा मोटरसाइकल चालक कलैया उपमहानगरपालिका ३ भवानीपुर निवासी २६ वर्षीय विनोद साहको मृत्यु भएको हो । जिल्ला प्रहरी कार्यालय बाराका प्रवक्ता डिएसपी रंजितसिंह राठौरका अनुसार ठक्करबाट साहको घटनास्थलमै मृत्यु भएको हो । शव परीक्षणका लागि कलैया अस्पतालमा राखिएको छ ।
ठक्कर दिने ट्रयाक्टर चालक फरार रहेकोले खोजी थालिएको प्रहरीले जनाएको छ ।

दुर्घटनामा संलग्न ट्रयाक्टर र मोटरसाइकल जिल्ला प्रहरी कार्यालय बाराको नियन्त्रणमा छ ।

प्रकाशित : कार्तिक २८, २०७६ १२:५१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×