नेपाली कामदारलाई कृषि क्षेत्रमा लैजान जापान तयार

होम कार्की

काठमाडौँ — जापानले नेपाली कामदारलाई कृषि क्षेत्रमा लैजाने आन्तरिक गृहकार्य थालेको छ । यसअघि जापानले नर्सिङ क्षेत्रमा मात्रै छुट्टाएको थियो ।

नेपालका लागि जापनिज राजदूत मासामिची साइगोले सोमबार श्रम, रोजगार तथा सामाजिक सुरक्षा मन्त्री गोकर्ण विष्टसँग छलफल गरेका छन्। ‘जापानले १४ वटा क्षेत्रमा विदेशी कामदार लैजाने नीति छ। कृषि क्षेत्रमा पनि नेपाली कामदार लैजान सकिनेछ,राजदूत साइगोले विष्टसमक्ष भने,‘कृषि क्षेत्रका लागि छुट्टै सीप परिक्षण र भाषा पनि चाहिनेछ।’

मन्त्री विष्टले जापानको आवश्यता अनुसार भाषा परीक्षण र सीप परीक्षण गर्न सकिने बताए। जापानले पहिलो चरणमा नर्सिङ क्षेत्रको लागि भाषा परीक्षा भइरहेको राजदूतले जानकारी दिए।

नेपाल र जापानबीच श्रम समझदारीमा हस्ताक्षर भएपनि श्रम भिसामा नेपाली कामदार लैजाने प्रक्रिया अगाडि बढेको छ।

पहिलो लटमा नर्सिङ क्षेत्रमा कामदार लैजान भाषा र सीप परीक्षण भइरहेको छ। यो दुवै परीक्षामा उत्तिर्ण हुने प्रशिक्षार्थीलाई रोजगारदाताले चयन गर्ने जापानले जनाएको छ।

प्रकाशित : कार्तिक २५, २०७६ १९:०१
ADVERTISEMENT
प्रतिक्रिया
पठाउनुहोस्

शुल्क फिर्ताको माग गर्दै युनिभर्सल मेडिकल कलेजमा तालाबन्दी

कान्तिपुर संवाददाता

रुपन्देही — भैरहवास्थित युनिभर्सल कलेज अफ मेडिकल साइन्सले लिएको अतिरिक्त शुल्कको फिर्ता माग गर्दै विद्यार्थीले सोमबार तालाबन्दी गरेका छन् ।

बीडीएस र एमबीबीएस पढ्ने विद्यार्थीहरुले कलेजको प्रशासनिक, लेखा, क्याम्पस प्रमुख तथा सहायक प्रमुखको कक्ष लगायतमा तालाबन्दी गरेका हुन् ।

तालाबन्दीसँगै कलेजको शैक्षिक तथा प्रशासनिक काम पूर्ण रुपमा ठप्प भएको छ । २४ घण्टाभित्र शुल्क फिर्ता नभए कलेजबाट इन्टर्नमा रहेका चिकित्सकले समेत काम नगर्ने चेतावनी दिए ।

अस्पताल ठप्प पार्न भन्दै निस्किएका विद्यार्थीले 'सरोकारवालाको सुझाव अनुसार बिरामीको संवेदनशीलतालाई बुझ्नुपर्ने भन्दै' उपचार सेवा भने सुचारु गर्न दिएका छन् । यता कलेज प्रशासनले भने शुल्क समायोजन गर्न माथिल्लो निकायबाट तयारी भएकाले केही समय लाग्ने बताएको छ ।

शुल्क फिर्ता लगायतको मागसहित युनिभर्सल मेडिकल कलेजका विद्यार्थी कात्तिक १४ गतेदेखि आन्दोलनमा छन् । सरकारले बीडीएसका लागि १९ लाख ३२ हजार र एमबीबीएसका लागि ४२ लाख ५० हजार रुपैयाँ शुल्क निर्धारण गरेको छ । तर मेडिकल कलेजले त्यस बाहेक अतिरिक्त रकम उठाउँदै आएका छन् ।

त्रिभुवन विश्वविद्यालय अन्तर्गत रहेको मेडिकल कलेजले विश्वविद्यालयले निर्धारण गरेकै मूल्य लिएको दाबी गर्छ । विद्यार्थीहरुलाई इन्टर्नसिप गराउँदा लाग्ने खर्चका लागि कलेजले अतिरिक्त रकम उठाउने गरेको मेडिकल प्रशासनले जनाएको छ । आन्दोलनका कारण वार्षिक परीक्षा स्थगित भएको छ ।

प्रकाशित : कार्तिक २५, २०७६ १८:५९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×