नेकपा सचिवालय बैठक बालुवाटारमा सुरु
काठमाडौँ — नेकपाकाे सचिवालय बैठक बालुवाटारमा सुरु भएको छ । सोमबार बिहान प्रधानमन्त्री निवासमा सुरु भएको सचिवालय बैठकले पार्टी एकताका बाँकी रहेको काम टुंग्याउने बारे ठोस निर्णय गर्ने स्रोतले बताएको छ ।
बैठकमा मन्त्रिपरिषद् पुनर्गठनका बारे पनि चर्चा हुनसक्ने आंकलन गरिएको छ ।
मन्त्रीहरूको कार्यशैली चुस्त र प्रभावकारी बनाउन कार्यसम्पादन सम्झौता गरे पनि अपेक्षित परिणाम नआएकामा प्रधानमन्त्री असन्तुष्ट रहँदै आएका थिए । केही समयअघि भएको समीक्षामा कामै नभएको भन्दैउनले आपत्ति जनाएका थिए ।