विशेष परिस्थितिका कारण साधारणसभा स्थगित : ढकाल

देशको वर्तमान परिस्थितिमा निजी क्षेत्रका धेरै विषयहरु सम्बोधन नभइरहेको सन्दर्भमा महासंघको विधान संशोधनमा जाने/नजाने विषयमा जिल्ला नगर उद्योग वाणिज्य संघहरुमा फरक मत आइरहेको उनले बताए । यो सन्दर्भमा निजी क्षेत्र एक ढिक्का भई अघि बढ्नुपर्ने आवश्यकता महसुस गरी पक्ष-विपक्षमा जाँदा ठूलो नोक्सानी हुने र महासंघको भूमिका पनि कमजोर हुने देखिएकाले विशेष साधारणसभा स्थगन गर्नु परेको विधान समिति संयोजक ढकालको भनाइ थियो ।

कात्तिक २९ गते महासंघको विशेष साधारणसभा हुने तय भएको थियो । प्रत्यक्ष रुपमा अध्यक्षको निर्वाचन गराउनु पर्ने मागसहित जिल्लाका सदस्यहरुले आवाज उठाएपछि अघिल्लो साधारणसभाले महासंघका पूर्वअध्यक्ष ढकालको संयोजकत्वमा विधान संशोधन समिति गठन गरेको थियो ।

विधान संशोधन कार्यदल बैठकले महासंघको साख गिर्न नदिन र निजी क्षेत्रलाई एकताबद्ध रुपमा लैजाने निचोड निकाल्दै वरिष्ठ उपाध्यक्षलाई स्वतः अध्यक्ष बनाउने विषयमा कुनै परिवर्तन नगर्ने निर्णय गरेको जनाइएको छ ।