अयोध्या मन्दिर फैसला : नेपाल-भारत सीमा बन्द

ठाकुरसिंह थारु

नेपालगन्ज — भारतको सर्वोच्च अदालतले अयोध्याको विवादित भूमी रामलला (हिन्दु पक्ष) भएको फैसला गरेलगत्तै नेपाल-भारत सीमा नाका बन्द गरिएको छ । भारतले बाँके र बर्दियासँग जोडिएको सीमा बन्द गरेको हो । 

अदालतको फैसलालाई लिएर आपराधिक घटना घटाउन घुसपैठ हुनसक्ने भन्दै सुरक्षाका लागि सीमा बन्द गरिएको हो । सीमास्थित इलाका प्रहरी कार्यालय जमुनाहाका अनुसार शनिबार बिहानदेखि सीमा बन्द गरिएको तर कहिले खुल्नेबारे जानकारी नआएको बताए । ‘कुनै घटना भएन भने आजै साँझ खुल्न सक्छ । होइन भने फेरि बन्द हुनसक्छ,’ उनले भने ।
अयोध्या मन्दिरको फैसला हिन्दुको पक्षमा आएपछि बाँके र बर्दिया क्षेत्रमा तरंग ल्याएको छ । यहाँका हजारौ भक्तजन पूजाका लागि आयोध्यामा पुग्ने गरेका छन् ।

प्रकाशित : कार्तिक २३, २०७६ १३:२१
ADVERTISEMENT
प्रतिक्रिया
पठाउनुहोस्

टुँडिखेल अतिक्रमण रोक्न दबाब दिँदै मानव साङ्लो [तस्बिरहरु]

तस्बिर : सन्जोग मानन्धर, तस्बिर : दीपक केसी

काठमाडौँ — अतिक्रमणको चपेटामा परेपछि खुला राख्न दबाब दिँदै शनिबार टुँडिखेल मानव साङ्लोले घेराउ गरिएको छ । अकुपाई टुँडिखेल अभियानको नेतृत्वमा बिहान मानव साङ्लोले टुँडिखेल घेरिएको हो । विरोध कार्यक्रममा पूर्वप्रधानमन्त्री बाबुराम भट्टराई, पूर्वमन्त्रीहरु हिसिला यमी, भीमसेनदास प्रधान, परराष्ट्रविद् हिरण्यलाल श्रेष्ठ, नागरिक अगुवा, सर्वसाधरणको सहभागिता थियो ।

विश्व स्वतन्त्रता दिवसको अवसरमा टुँडिखेल मानव साङ्लोले घेर्ने कार्यक्रम गरिएको अभियन्ता आलोकसिद्धि तुलाधरले बताए । खुलामञ्चमा अस्थायी बसपार्क छ भने अनधिकृत पसलहरू सञ्चालनमा छन् । यहीँ निर्माण सामग्री राखिएको छ, कामदारको अस्थायी बसोबास छ । नेपाली सेनाले विभिन्न भौतिक संरचना पनि टुँडिखेल क्षेत्रभित्रै विस्तार गरिरहेको छ ।

प्रकाशित : कार्तिक २३, २०७६ ११:५८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT