कार दुर्घटनामा मृत्यु हुने तीनै जना एकै परिवारका [अपडेट]

चालक ४९ वर्षीय गंगाबहादुर खड्का र २५ वर्षीय विनोद खड्का सख्त घाइते भएका छन् । उनीहरुलाई बुटवल लगिएको छ । गंगाबहादुर पनि दुर्गादेवीकै छोरा र विनोद नाति हुन् । उनीहरु पुरानो घर पाणिनि गाउँपालिका–८ पालीतर्फ आउँदै थिए ।

केही वर्षअघि उनीहरु पालीबाट बसाइँसराई गरेर मुर्गिया गएका थिए । पारिवारिक कामले एउटै गाडीमा आउँदै गर्दा दुर्घटना भएको हो । सडक छेउबाट गुडेको कार ब्रेक लगाउँदा खसेको हुनसक्ने अनुमान गरिएको छ ।

.................

रुपन्देहीको सैनामैनाबाट अर्घाखाँचीतर्फ आउँदै गरेको कार सन्धिखर्क नगरपालिका–७ नरपानीको दहखोलामा दुर्घटना हुँदा घटनास्थलमै तीन जनाको ज्यान गएको छ । चालक र एक यात्रु घाइते छन् ।

बा१७च ६९१७ नम्बरको रातो प्लेटको कार सडकबाट एक सय मिटर तल खस्दा दुई जना पुरुष र एक जना महिलाको मृत्यु भएको र सनाखत हुन बाँकी रहेको प्रहरी नायव उपरीक्षक प्रकाश विष्टले बताए । घाइतेलाई बुटवल पठाइएको छ । कार सडकको छेउबाट गुडेको र ब्रेक लगाउँदा खसेको हुनसक्ने उनले बताए ।